|
اخر اخبار الانديه وتعاقداتها
السلام عليكم ورحمة الله وبركاته
اخر اخبار الانديه بعد فترة توقف الدوري وبدء فترة تسجيل اللاعبين
الهلال:
الامور في نادي الهلال مستتبه يالله لك الحمد لامشاكل اداريه ولا تدريبيه
ابن مساعد وصل قبل كم يوم من خارج المملكه ومجهز لاااااااعب فلته بس منهو مدري
لان رئيسنا يقول اتحدى ابن امه يعرف من افاوض خايف من المزايدات والتخريب 0000 وشهو برميله
كوزمين طلب من الاداره محور هجومي وظهير ايمن ومهاجم وقاله ابن مساعد تم 000 جالسه معهم
وان شاء الله الفتره القادمه ستشهد الاعلان عن محترفينا الاجانب والمحليين بعد ماتم الاستغناء عن رالديس
______________________
______________________
النصر :
امورهم مش ولابد وخاصه بعد استقالة الرجل القوي  ( الوليد بن بدر )وتعيين فيصل بن تركي
بس الى ذلحين يشاور يقولون يمكن يعتذر
طبعا المنتديات النصراويه منقسمه بين ممدوح وبين الوليد وطلال الرشيد وحرب شرسه بينهم 
بالنسبه للمدرب اعلنوا التعاقد مع المدرب نلسون اكوستا بس الظاهر الرجال هون ويقول انه تعرض لضغوطات من رئيس النادي اللي يدربه وانه مدرب كبير وصعب يستغنون عنه 
والسؤال اللي يطرح نفسه ( عثره )  هل سياتي لتدريب النصر ام سيسحب عليهم ؟؟؟
بالنسبه للتعاقدات :
تعاقدوا مع الايراني مهدي شيري لينظم لالتون وايدر
اما رزاق فطنقر الخال وروح يقول الي شهرين ماستلمت ولاريال من راتبي ويبون اجلس معهم الخلا بس 
بالنسبه للمحليين حاطين عينهم على المحياني والكويكبي والسهلاوي بس الى الان ماصار شي رسمي
_____________________
_____________________
الاتحاد:
يقولون ابو عماره معصب وقافله معه بسبب منع سلطان التعاقد مع مانسو ارضاء للاهلي
وفي برنامج الجوله جابوا خبر ان مانسو رفع قضيه على الاتحاد 000 يالهوي
وبالنسبه للاجانب يمكن يستغنون عن العمده
وفاوضوا الرهيب بدل الطريدي ويزيدون الاتفاق كم مليون
والله اعلم 
______________________
______________________
الاهلي :
بعد المناحه اللي سووها على مانسو ( ونسوا او تناسوا ان رئيسهم تعاقد مع الراهب بنفس الطريقه بعد ماتفق معه الاتفاق زاد المبلغ وخطف اللاعب )مافيه شي جديد عنهم 000تعبت نفسي
______________________
______________________
الوحده :
اوضاعه لاتسر عدو ولا صديق
الرئيس ومريض الله بشفيه 
والمحياني مايبى يقعد مع الوحده ويبى نادي بطولات وان شاء الله شبيه الريح يتعاقد معه
والكويكبي يبى النصر 
اييييييييييه يالوحده بعد ماكنت ثالث الدوري صرت في هالحاله 
_______________________
_______________________
الشباب :
مادري عنهم
والى اللقاء في الحلقه المقبله كان معكم خضير البراق من بريده :Swaffff:
|