رد: فكرة المليون رد .............!!!
في عمق الصحراء الملتهبه .... حيث العطش .. واللاهوب .. ولا شيئ سوى القشع والرمث في كل مكان .. محاطا بالطعوس الهائله
تنتقل الكاميره بسرعه وبنقله محترفه .. لتظهر لنا في طرف هذه الصحراء واحه جميله ... خضراء ... يوجد بها
أسد
وذئب
و
.
.
.
.
. وأبا الحصين ( وقفه أعلانيه للتعريف بأبا الحصين .. هو كائن صحراوي مشهور بالمكر والخداع ويضرب به المثل بذلك ..بإختصار هو الثعلب )
.
.
.
نهاية الأعلان والرجوع للفيلم الوثاقي ..
يبدأ الحوار بينهم
الأسد : هاااا يالربع دامنا صدنا اليوم ارنب وغزال وحمار وحش ,, عطوني رايكم وش نسوي فيهم
الذيب : بسيطه يا الأسد ما يبي لها 1 2 الارنب لأبا الحصين والغزال لي وحمار الوحش لك
........ طرااااااااااااااااااااااا ااااااااااااااااااااااااا اااخ ( صوت راشدي يلفخ وجه الذيب ولا ترده الا نخله بآخر الواحه)
الأسد : ( بصوت يبه نبره من الغضب) وانت يا أبا الحصين وش تقول
أبا الحصين : أبد يا طويل العمر وش تبي بعد واضحه وضوح الشمس ... الغزال تغدى عليه.. وحمار الوحش عشاك.. والأرنب تصبيره (كثر منها تصبيره)
الأسد : ( متعجباً ومندهشاً من كلام أبا الحصين) والله انك جبتها .. ذيباااااان .. تدري انت خويي .. لكن علمني من وين جبت هالفكره ؟؟؟
أبا الحصين : والله يا طويل العمر علمني فيها الذيب يوم طار .. فطنت علي السالفه
الأسد : من اليوم ورايح .. مابه خويي غيرك .. انت على يميني ما اتهقوى بك الا كل خير
أبا الحصين : ( مجيبا الاسد) تسلم طال عمرك .. هذا شرف لي
ثم يذهبان سويةً لكي يكملا يومهما تاركين الواحه الخضراء باحثين عن مغامره أخرى.. تاركين الذئب خلفهما متعلقا بالنخله .. والرطب يتساقط على رأسه .. واظنها من نوع البرحي
بعد إلتهام الأسد لوجباته وأثناء ما هو يمصمص كراعين حمار الوحش ..و ابا الحصين ينظر له بنظرة خوف والجوع مخيم ببطنه
الأسد : أنا برقد ولا أبيك تزعجني .. لكن إسمع اذا جا صيد ولا مرت علينا فرايس قريبه من حولنا صحني .. خلني اجيب لنا فطور لي ولك
ابا الحصين : أبشر طال عمرك
واُثناء نوم الأسد .. وهو منسدح تحت طلحه يستبرد بظلالها ... صاح ابا الحصين صيحة تشق طبلة الأذن وتبنط بالصيوان
ابا الحصين : الصيد طال عمرك الصيد طال عمرك .. قم قم قم قم
الأسد ينظر : ؟؟؟ وش صيده صادوك وعلقوك من كراعينك؟؟؟؟ تشوف جرابيع وتقول صيد؟؟؟
هذا صيدك انت واشكالك قومني على شي دسم .. ندسم به شواربنا .
ويرجع للنوم
..
..
وفي هذه الأثناء يعبر أمامهم عدة أرانب..
ابا الحصين : (صائحاً) الصيييييييييد طال عمرك قم قم
الأسد : (ملتفتاً ومتجاوزاُ بعينيه الأرانب ) وينه الصيد طار عمرك انت ؟؟؟
ابا الحصين : شفه شفففففففه قدامك ... الأرانب
الأسد : ؟؟ الشرهه علي انا .. انت مستدلخ؟؟؟ اسد واصيد أرانب ... قالوا لك بس؟ ولا وش علتك انت؟؟
ابا الحصين : خلاص طال عمرك ما أعودها .. ما اقومك الا على دسم
...
...
..
..
ثم تمر قطعان من الغزلان
اابا الحصين: ياااااااااااااااااو تكفى يا الاسد اليوم يومك غزلان تكفى يا بو لمياء
الأسد : ( واثباً بكل ما يملك من قوه) أنا ابو لمياء دقايق واكون عندك .. شب الضو .. وكثر الفحم وبرز القصدير والأسياخ .. الليله شوي
...
...
...
...
يكفهر الجو ويغبر ... وتخيم هاله من الغبار حول الثعلب .. فتنقشع عن الاسد حاملاً غزالين بفكه .. والأخر معلقه بذيله (حشى .. ونش مهو بذيل)
...
...
يقصدرون اللحم ويشوونه والزود يحطونه بأسياخ
..
..
بعد نضوج الطعام
الأسد : اقول ابا الحصين ؟؟
ابا الحصين : سم طال عمرك
الأسد : ورى ما تقلفع انت وخشتك .. لانك دبلت كبدي وما تصلح خوي لي عقب ما عفست نومي
أبا الحصين : طاااال عمرك ؟؟؟؟؟ اخر مره ما اعودها ؟؟؟
الأسد : تبي تقلفع وتظف وجهك وتشيل عمرك ... ولا اشوتك بنفسي
أبا الحصين : لا طال عمرك انا بظف وجهي بنفسي
...
...
...
يغادر أبا الحصين .. بعدما أمنى نفسه بأنه اصبح وزيرا لملك الغابه ...
|