رد: فكرة المليون رد .............!!!
[poem=font="arial,5,#00008b,normal,normal" bkcolor="" bkimage="" border="none,1," type=0 line=0 align=center use=ex num="0,"]
سار القلم باللي ضميـري مكنـه=أمثال من قلبي بها اليـوم غنيـت
عجيب يا ذا الدهـر فنـه وقنـه=أضحكتني وابكيت لقبلت وقفيـت
مطيتي فالدهـر وضحـى مسنـه=من يركب البكره تحسف بياليـت
لجل الأمور اللـي تجينـي بظنـه=أوزن لها ميزانها بخير ما ريـت
حي الذي نجره من الطيـب دنـه=وأنا الذي فاني وبالطيب سجيـت
عمر الفتى يفنـى وذكـره يخنـه=وجدي لذكر(ن) فايح بطيب الصيت
خير الرجـال اللـي تكلـم بفنـه=وليا عطى جابه بها ما استشكيـت
وشر الرجال اللي ترجيت غصنـه=يثمر بحنضل حيْ في جملة الميت
إليا جلس مجلـس يذوقـك بنـه=لاشك من كذبه وبـوره تقهويـت
ويل الذي بالكذب يضحـك بسنـه=هذار نثـار السوالـف بواهيـت
فرقاه يهـل الفكـر لاشـك جنـه=ومجالسه نار(ن) قدحها بكبريـت
يالله عفوك والرضى منـك منـه=وأنا ببابـك يـا إلاهـي ترجيـت [/poem]
|