رد: فكرة المليون رد .............!!!
○○○○
يامتعب الخطوه على الدرب لاهنـت
وشلون تحـزن والشمـال بجهاتـك
جرب تمارس ضحكتك ويـن ماكنـت
واحزان عمرك سترها فـي عباتـك
الريح قامت وانحنت وانـت ماقمـت
ياحـي لاتنهـار قــاوم وفـاتـك
تبي تـرد الريـح وتبعثـر الصمـت
ان مالقت بـك روح شالـت رفاتـك
ياكبرها لاصاح داعيك وين انـت ؟!
وجـا ينتخيـك ولالقـا الا عصاتـك
أدري وصلت آخر مدى الصبر وتعبت
مابه نكـد فـي رحلـة الهـم فاتـك
وانا بعـد خاويـت الايـام وندمـت
الله كـم تشبـه حيـاتـي حيـاتـك
هذا زمان الهم .. والفقر .. والكبـت
ماهو زمن سم .. وتدلل .. وجاتـك
اما انت في واقعك سلمـت وآمنـت
والا اعترضت وعشت في ذكرياتـك
يامتعـب الخطـوه بوجهـك تمعنـت
لونك ظهر لي وادهشتنـي صفاتـك
لـو المرايـا منصـفـه ماتلـونـت
كنت ابيض ٍ من مولدك لـي مماتـك
بعض المرايا تعكسـك مثـل ماانـت
والا بعضـهـا مايـوريـك ذاتــك
(مهدي بن سعيد)
○○○○
| التوقيع |
|
|
|