رد: فكرة المليون رد .............!!!
عادي الهاتف يرن أحيان وابطي ما رفعته
انطباعي سي عن بعض المشاعر والنوايا
لين جاء هاك المساء اللي بعثر الصمت وجمعته
غير المفهوم والسايد وسوابي سوايا
ضجت الأجراس وانساب العطر صوت وسمعته
ما دريت إلا وهو يشغل قناديل الحنايا
ارتبكت وهزني هاجس غريب ما منعته
ما قدرت استوعب الموقف هلايا أغلى العطايا
انقلاب أبيض على الواقع على شك زرعته
انولد حلم جديد وماتت أحزان وحكايا
انتفاضة حلم مدري بارق ناض وتبعته
الوكاد انه تغير شيء فأعماق الخفايا
غيمة مرت بماطرها على ظن صنعته
هدته واهدت لي الدهشة مطر عطر وهدايا
انقلب وضعي وذاك الدرب اشوفه ما قطعته
القلق يجتاحني والنصر يفتح لي زوايا
قلت اجرب والطريق اللي مشيته ما رجعته
هي حدا الثنتين يا أما خير يا زيادة خطايا
والمهم انه تغير شيء من صوت سمعته
انسكب في مسمعي روعة من اطراف الشفايا
لو غبطنا النحل قلنا الشهد من زهره جمعته
قال وانتم شهدكم موجود ف شفاه الصبايا
عويد المطرفي
| التوقيع |
|
|
|