::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

01-24-2009, 04:41 AM

قصيدة عبدالله الخالدي

يا غصن الكلام ان كان هب الهبوب ولنت
تساقط ندى الاوراق من فوق عاتقها

حروف الكلام اللي على جمعها هيمنت
وهجها الصراحه والمجامل خنادقها

تلافا مثل سرب القطا كل ما هيجنت
واجمع لها قسوة زماني وافرقها

كأبة حياة وكبت وان قلت وان دونت
تموت العشيقه ما تهنت بعاشقها

يا وجه الفرح غايب لك اعوام ما بينت
مواري رجوعك ما بعد لاح بارقها

انا كم رجيت ينوض برقك وكن راهنت
على اسمك بنيت احلام وازريت احققها

نزحت لغياهب مهجة البعد واستوطنت
وانا كنت فيك احلام عمري معلقها

تبي تعرف اللي عقب غيبتك وش كونت
عنا يمطر الضيقه بروحي ويغرقها

اقبل جبين الصبر واقوله لا هنت
على وقفة مأساة عمري توثقها

ملامح جبيني ترقب طيوف ليت وكنت
ما غير تجود بالهقاوي وتطلقها

ترى لو ضحكت اضحك واجامل وانا ما زنت
انا ضحكتي من وجه الافراح سارقها

يا وجه العنا ما ادري من أية عرب ويش انت
ملامحك عيت تتضح لي حقايقها

تلون بلون اسود من ايلول ما لونت
دروب الامل بلون الاماني مفارقها

وعطاياك وااااااجد بس انا منك وش عينت؟
جمايل كفوفك في جنوبي مطارقها

ومفازيعك اللي قلت توفي بها واعلنت
انا والله اني بثلاث مطلقها