رد: فكرة برج المليون رد .............!!!
○○○○
الصمت يكفي ويشفي صدر راعيه
لاصار كل الحكي مالـه معانـي
والقلب ماعـاد تعنيـه المشاريـه
والعين ماعـاد تغريهـا الأمانـي
والخاطر العمس من يقدر يسليـه
الناس وإلا الشعر وإلا الاغانـي؟
ياكاتب الحزن في قلبـي وقاريـه
في نظرتي..في انفعالي..في حناني
ياليت حزني مجرد دمـع وابكيـه
ماهوب عايش معي بين المحانـي
ماهوب يظهر علي واحاول اخفيه
وتصير نظرات حزني هي لساني
لو للسحايب سجن ياعبـرة التيـه
والله ماحبسـك بخافقـي ثوانـي
مدري ذكرني زمان كنـت ناسيـه
مدري ذكرت الزمان اللي نسانـي
كنت اكره البحر واخاف الغرق فيه
واليوم احبه..واخاف من الموانـي
كنت أعشق الجاي بأحلامه وأمانيه
ياما بنيـت بخيالـي لـه مبانـي
ياما رجيت العطا من مـدة يديـه
حتى خذا كـل شـي وماعطانـي
(رشيد الدهام)
○○○○
| التوقيع |
|
|
|