رد: ضيف من بني سفيان
وعليكم السلام ورحمة الله وبركاته
هلا يامرحبا ياطيب الهقوات وابن الذيب
ترى شرواك لامن زارنا قمنا نهلي به
علومك غانمة يابن الكرام وقلتها ومصيب
لفانا منك طيب ويعرف الرجال من طيبه
بيوت مثمنة يابن الشيوخ مركبة تركيب
صناعة شاعر صاغ القصيد وطاب تركيبه
ونعم بلابة شرواك منها مالحقها عيب
بني سفيان وانعم في رجال العز والهيبة
ثقيف اهل الحروب اللي لها راس الوليد يشيب
صواريم السيوف اللي تضد الخصم وتصيبه
ثقيف اللي لها تاريخ حاضر والسنين تغيب
ولوا طال الزمن تاريخها حاضر تماري به
هلا يالضيف منت بضيف قلط والمكان يطيب
وانا شرواك ارحب فيه ولا الشين مالي به
حياك الله مليون أخونا طيب الهقوات أخوك ماهو بشاعر لكن شاعر بحجمك مجاراته مكسب والترحيب فيه واجب ..
|