رد: الليل يابو حمدان
فواز
سـلام رديـة سـواة الـذوب مافيهـا مـرار
ياللـي تميّـز فالمثايـل .. لـد عينـك لـدّهـا
مدام ابو حمدان جالس في مكان الانتظار
كريـم يابـرق المخايـل .. لـد عينـك لدّهـا
أبو حمدان
يامرحبا رحب الوفا تدخل لكم في كـل دار
وتخص وافين الشمايل .... لد عينك لدها
هات العلوم وخذ بدلها لاتحيد عن المسار
هات السوالف والدلايل ... لد عينك لدهـا
فواز
بالله وش مزعلك يومنّك مضيّق فالزّرار ؟
وانا احسبنّ الشك زايل .. لـد عينـك لدّهـا
انـا سمعـت انـك تبـا فـواز يقعـد فالمـطـار
والعلـم هـذا علـم هايـل .. لـد عينـك لـدّهـا
أبو حمدان
مابه زعل ماغير نعتب والعتب قاسي وحار
ياللي تحارب في القوايل ... لد عينـك لدهـا
ياكثر مانسمع وصار العلم شايع في الديـار
ماقول غير الحـظ مايـل ... لـد عينـك لدهـا
فواز
اثـرك مطـوّع فـي بريـدة منتـهـي فــي قنـدهـار
محـلاك يـاذرب الخصـايـل .. لــد عيـنـك لـدّهـا
اقول له وش صار رد وقلّي ( اللي صار صار )
مشـكـور يــاراع الجمـايـل .. لــد عيـنـك لـدّهـا
أبو حمدان
خـلـك مـعـي لاتتهمـنـي بالعـلـوم الـلـي كـبــار
ياللـي تخايـل وش تخايـل... لـد عيـنـك لـدهـا
أنـتـه سمـعـت العـلـم لـكـن ماتـثـبّـت الـقــرار
مدري في راسك ويش شايل ... لد عينك لدها
فواز
لو كان جبـت الكلمـة اللـي كنّهـا در البكـار
ماكـان فتّشنـا الرسايـل .. لـد عينـك لـدّهـا
ماودّي ازهم عادل الدعدي يشارك فالحوار
ياعود يابـو راس طايـل .. لـد عينـك لدّهـا
أبو حمدان
أظــن يـافـواز عيـنـك ماتـحـق بـهـا العـيـار
والرمي منكم صار عايـل ... لـد عينـك لدهـا
شايل في كفك شون قشرا والعيون بها حمار
ماكنـك إلآ كليـب وايـل ... لــد عيـنـك لـدهـا
فواز
لا والله الا يارفيـقـي دار وقـتـك واسـتــدار
والـدّم يعـرف بالفصايـل .. لـد عينـك لدّهـا
خلاص عفنا القبّه اللي للعرب صارت مزار
والخوف مشروه القبايل .. لـد عينـك لدّهـا
أبو حمدان
تبغى كلام الصدق وأعطيك الحقيقة باختصار
الحر يبقي السمـن سايـل ... لـد عينـك لدهـا
شايفك تزرع زرع لكن ماجنيـت مـن الثمـار
وانته من عيال الحمايـل .... لـد عينـك لدهـا
|