[حسآم]

ياعماد المنزل اللي في صباك أمسيت حوله

زرته البارح وسال الدمع من محجر عيوني

واستعدت الذكريات وعادت أيام الطفولة

وانقلب دمعي لهيب وغيرت شكلي ولوني

آه ياكم ليلة ٍ تذكر لنا صولة وجولة

قبل أطالبك بديون وقبل تطلبني ديوني

النوايا بيض تبرق والحيا فيها سهولة

والسوالف كلها ضحك وتماثيل وفنوني

والمبيرك لاتذكرته تذكرت البطولة

قبل أطالبك بديون وقبل تطلبني ديوني

كل مزنة نرتجي منها المطر ساعة هطوله

والدعا ربي يجيبه والسحايب في المزوني

والشفا لاهبت أنسامه بعد سالت سيوله

كن جن الأرض صاحت بالبيوت وباللحوني

والهجوس مربعة وابليس مادقت طبوله

والليالي لو تغير صحبتك ماغيروني

وأنت لك عامين متغير وقلبي في ذبوله

وش نهاية صدك القاسي وحزني في جفوني

طالبك ترجع وتصبح شعب وأصبح مثل دولة

صاحبك ياعماد مثلك مرثعة فيه الظنوني







.................................................. ..............