[حسآم]

ياضرير البصيرة منت قد الجبال

وان عرفت الثلاثة قلت لك مستحيل

العذر يتبعك واشبح بعين الخيال

مار لاتسبق التاريخ يابوخليل

همزة الوصل نور وزهر الأرياف مال

صك بوابة اللاشيْ خلك ثقيل

قوقلتكم توّثق بالجواب السوال

مار وين السوال اصمت وأنا لك كفيل

يامَشالله تطوّرتم وصرتم رجال

1000مبروك عز الله لقيت الحصيل

يثمر الجهد نبت وخابرين المثال

أندر الشعر يُدفن والمعوّض نحيل

من هو اللي مسبب في الهشيم اشتعال

من هو اللي تقول الربع ماله مثيل

مانسبّك ولانشتم عيال الحلال

اغمد السيف لايغلبك صوت الصليل

اترك التايه اللي شجْرته لاتزال

رهن تدقيق خمسْمية ْ خبير وعميل

أبشع الشعر يسقط مايجيله مجال

وابتكاراتك الشينة لدرب الرحيل

لاجنوبك جنوب ولا شمالك شمال

ولاهجوسك هجوس ولادليلك دليل

كيف أغادر فطيّارة وأشدّ الرحال

وأنت مركب غرامي ماش غيرك بديل









.................................................. ...
.................................................. ..




لا إله إلا الله وحده لاشريك له

له الملك وله الحمد وهو على كل شيء ٍ قدير

ومالنصر والعزة إلا بالله العزيز الحكيم

وماتوفيقي إلا بالله العلي العظيم عليه توكلت وإليه أنيب

والله ولي المؤمنين نعم المولى ونعم النصير