رد: فكرة برج المليون رد .............!!!
قصيدة لشاب فقير خطب بنت عمه المليونير، إليكم القصيدة:
سبحان من يرزق بتوع الملاييـن *** الرازق اللي ما يخيب الرجـا بـه
لي عم عنده معـرضٍ للصواليـن ***أموت واعرف بس من وين جابـه
وإذا سألته قـال بعـت الدكاكيـن ***ما يدري إني ما هضمت الإجابـة
الشاهد إني رحت له قبـل يوميـن *** في قصره العامـر ودقيـت بابــه
قال أرحب أرحب عدّد ورد البساتين *** يا مرحبا باللـي لفـا يـا هـلا بــــه
قلت البقا عـدّ النفـل والرياحيـن ***ياشيخ شمل أهل الكرم والذرابـه
قال اسلم الله يحفظك لي من العين*** وآمر أوامر حضرتـك مستـجابـــة
قلت الصراحة طالبٍ قرب *** ودي تزوجـنـي كـريـمتـك يـابـــه
ثنّى وقال أهليـن والله وسهليـن ***والكـون تـرخص لجل عينك رقابـه
لكن ترا عندي شـروط وقوانيـن ***قلت اشرط اشرط يا حبيب الغلابـة
قال أولاً مهر العروسـة ثمانيـن *** غيـر الرسـوم وغـير حق العصابـة
والثانية عمك يبي منـك سبعيـن ***رســم الأبــوّة والـنسـب والقرابــة
وأم العروسة حقها منـك ستيـن *** عشانهـا ست الـحسـن والمهـابـة
وإخوانها كلن يبي منـك خمسيـن *** عـداً ونـقـداً تنـدرج فـي حـسابـــه
وخواتها الخمس عطهن من ثلاثين *** عشان تتـوثـق عـروق النـسابــــة
وتجيب طقم عيار واحد وعشرين *** وخاتـم من الماس المـصفى ترابـه
وأكياس متروسة كعوب وفساتيـن *** ألوانـهـا وأشكـالـهـا مــا تـشـابـــه
وموتر بسواقـه وفيـلا بدوريـن *** أثاثـهــا مـن بـطرتــه ينتحكـى بــه
واحجز لنا قاعة بقصر السلاطيـن *** واحـجـز بهــا رقـاصتيــن وربـابــــه
هذي الشروط اللي على بالي الحين***وذكرني اللي ما حسبنـا حسابـه
قلت اذكر الله يا عـدو المساكيـن *** واستـغـفـره لا يبتلــيـك بـعـذابــه
الظاهر إنك منت عارف أنا ميـن *** أنا لو أرقـى فـوق متـن السحابـه
ما جبت حتى نص درزن مواعيـن *** واضـحـك بكيفك واعتبرهـا دعابـة
شروطكم هذي شـروط المجانيـن *** شروطكم شغـل ابتـزاز ونهابــــه
شروطكم تقصم ظهـور البعاريـن *** شروطكـم همّـن وغـم وكآبــــــه
شروطكم والله سيوف وسكاكيـن *** تذبح بنات المـجـتمـع مـع شبـابـه
وين الرضا والعطف واليسر والليـن *** اللي ذكرهـا الله بمـحـكــم كتابـه
وين الصفات اللي أمرنا بها الديـن ** وين اختفى نهج النبي والصحابــة
يا عم جعل اللي خلقنا من الطيـن ** يرد عـقلك مـن خـطـاه لصـوابـــه
ويجعل نصيبي عند غيرك قل آمين ** ويـحسن عـزا الصابر ويـجزل ثوابه
قال أنت لو فكرت تفكير صاحيـن ***ماشفت في مجمل شروطي غرابه
حنا بعصـر العولمـة والمزاييـن *** ماهوب عصر الفلسفة والخطابـة
الناس تسعى للرتـب والنياشيـن *** وأنت اهتمامك بالشعـر والكتابــة
والشعر ما ينفعك لو هو دواويـن *** ما دام جيبك مثـل بيـت الخرابــة
يا بوك لا تسمع كلام المصاخيـن ***واسأل مجرب عاش في وسط غابه
قلت الله أكبر يا محـرر فلسطيـن ***من يسمعك يحسبك ذيـب الذيابـه
تراك شايب رأس مالـك رياليـن *** والبنت ما تسوى جنـاح الذبابـــــة
قال انقلع مالت على وجهك الشين *** لا عـاد أشـوفـك عنـدنـا يـالـزلابـه
قلت ابشر أبشر لكن الباب من وين **وأقفيت من عنده على صوت بـابـه
|