رد: وحيده السعوديه ( عيده الجهني )
(إقرأ)
عيدة الجهني
[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
سقاني جناني ودق من ارثـي الرقـراق = وعشبت به مسرى المعاني على الجمـرا
اعاند زمان من غثا سكرتـه مـا فـاق = تعود يسريهـا مـع الخيـل يـا شقـرا
زمان انطفاء الشمس في رعشة المشراق = تجندل ظفايرها وهي بالضحـى سكـرا
اقلب كتـاب البيـد واستنطـق الافـاقل = عل الدياجـي تكتـب الواجفـه سطـرا
هل البيد يا الساجين قمرا ضما الاحـداق = وهل للحفاة السمـر فـي ليلهـم قمـرا
زويت المعاني زي لين(ن) صدري ضاق = وجيت انثره بصدوركـم يالمـلا نثـرا
هبا طرقي عصاني وانا للقصيد اشواق = يبرعم على قافي مطر يكتـب المسـرا
شهيدي بذلـك فسـره سبعـة الاطبـاق = وشيخ تقـوده رجلـه الجـود للخضـرا
وانا مالبست جدادهـا وانثنـي للعتـاق = لان الجدايـد حسنــهـا بالعـقـول ازرى
ولاني كمثل العيس فـي حملـي الاوراق = وانـا امتـي انـزل لهـا اولا اقــرا
قريت وكتبت وجاوزت عندي الاعنـاق = وزينت جيـد النظـم بالفكـرة الاثـرى
ولي حرف كم سقته ولا حن فتله سـاق = لان انحناءاتـه اذا مـا انحنـا تـتـرا
شماريخ رضوى عزتـه والله الـرزاق = تضج الرياح الخضر في سمرتـه فخـر
وذي عادته يغـدق اذا يبسـت الاريـاق = ويبسط اذا غلت كفـوف الحيـا همـرا
وامر الدواهي غربة الشمس بالاشـراق = كسفها الزمان ومثلهـا للضيـاء احـرا
سناها ذبيح وحمرتـه تمطـر الرستـاق = كما امطرت بالبصـرة الخطبـة البتـرا
اسيرة عقـول مزقـوا شدوهـا بوثـاق = ورغم اسرها حر(ن) نباها وهم مسـرى
تمدون لي رمضـا وغيـري ذراه رواق = وانا من سموم القيـظ فـي فيتـي ادرى
تشظيت اساجر حرها والسـراب نيـاق = طوته الفيافـي والرجـا مقلتـه خـدرا
هنا فرق لو تدرون يمكـن وراه فـراق = كما بين من يقرا وفـي مسمعـه وقـرا
وبين الـذي تسبـر قراءاتـه الاعمـاق = يشب العتيم ويسعـد الاحـرف الحسـرا [/poem]
|