رد: هذا نصيبي
حيا الله ضاوي
قصيده في قمة الروعه
صح لسانك لين ترضى
,
,
جيت المكان اللي رسومه محنـي
ياليت رجلي ماوطتـه ومشيتـه
ذكر علي وخاطـري مرجهنـي
ماظن تقفتـه الليـال ونسيتـه
معالمـه عقـب البطـا يخلفنـي
ألا مكانن فيـه جانـي وجيتـه
شفت الفياض اللي شماله يجنـي
وجيت الظليع اللي جنوبي بيتـه
وقفت به لين الدمـوع اذرفنـي
وقفيت مثل اللي دفن راس ميته
هاك المكان اللي ضحك فيه سني
جيته عقب طول الغياب ولقيتـه
يوم اجتمعنا والظروف اسمحنـي
دار الحديث وماطرا لـي بديتـه
فرصه عمر ماجت لنـا بالتمنـي
احلى ليال العمر فيهـا قضيتـه
مع صاحبٍ كنه بهرجـه يمنـي
قمت اسبقه بالسالفه ماحتريتـه
سوالفه عـن الغـلا يوجعنـي
يقـول لاتتـرك محبـن بليتـه
,
,
حتى البكا يكون جميل بعض الأحيان
| التوقيع |
|
.
اعزف على لحن الوجود المنسي . . . . . . . . . و ابكي و اعاتب و ادعي و اقاضي
في داخلي جني بتفكير انسي . . . . . . . . . . وان كان اهذب فكرتي و الفاظي
ماهو على شاني ولد رومنسي . . . . . . . . . . . . . لكن فاضي للكلام الفاضي
. . |
|