[عذوبة جرح]

كان نفسي كل القصايد تنزل مع بعض

لكن بكملها هنا




أحرص على سطرك


[poem=font="Arial,5,#800080,normal,normal" bkcolor="" bkimage="" border="double,3,#ff1493" type=0 line=0 align=center use=ex num="0,"]
الذم فـ/ الناس والحقد البغيـض الدفيـن=ومحمّل القـول مـا لا يستسيـغ النظـر
ثلاثة اوْجيـه مـا بيـن الخفـا واليقيـن=تظهر وتظهـر مساوئهـا بيـوم الحشـر
في موعدٍ ظلمتـه غابـت وشمسـه تبيـن=يقـوم للحـق سيـف القـادر المقـتـدر
ويشوف الإنسان ما سجل بعرض الجبيـن=أما بحوض الجنان أو فـي جحيـم وسعـر
فأحرص على سطرك اللي تكتبـه باليديـن=وأحذر من الخوض فـ/ الأعراض أشد الحذر
كم كلمـةٍ ودت الأنسـان فـي وادريـن=يمديـه يسلـم غثاهـا لـو تحمـل قـدر
ثواني العمـر ,, أو فكـر بعقلـه شويـن=كان أنصلخ عن مساوئها بوسـع الصـدر
من بعدها عـز جنبـك بالجنـاب المتيـن=في صحبة الخير خير ,, وصحبة الشر شـر
وأزرع بذور الوفـاء فـي ديـرة الغانميـن=من يزرع الطيب يقطف من لذيـذ الثمـر
وإن قلت الأحوال مختلفه وعالمـك شيـن=بعلمك علم وأنـت أستدركـه وأفتكـر
خليك الأكرم والأجدر بالوفـاء والأميـن=والمخلص الحر والوجـه الشجـاع الأغـر
حتى ليا حان موتـك بعـد مـده وحيـن=يخلدك ذكرك الطيـب مـا بيـن البشـر
من يذكر الميتيـن ؟ ,, اليـا ذكـر ميتيـن=ما ينذكـر عابـد الدنيـا قصيـر الجـدر
ما نذكر ألا الكريم اللـي عطـا باليديـن=ولا شجـاعٍ حفـر ذكـره بيّـده حفـر
خلاصة القول لو عمّـرت عمـر وسنيـن=مصيرك المـوت مهمـا طـال ولا قصـر
فأحرص على سطرك اللي تكتبـه باليديـن=وأحرص يكون إلك بالدنيـا جميـل الأثـر[/poem]







قصيدة بعنوان كريم

[poem=font="Arial,5,#008000,normal,normal" bkcolor="" bkimage="" border="none,1," type=0 line=0 align=center use=ex num="0,"]

كريم يا بارقٍ ترزم مرازيمه=وتبشّر الأرض بقدومه بسيطتها
إليا بدا كن في مبدا مقاديمه=مبدا هنوفٍ على العاشق تلفتها
ولا كريمٍِ على هقوة معازيمه=يسبق ويلحق كرم نفسه بشاشتها
برقه معانيه ورعوده ترانيمه=قصيدةٍ والسما هاضت وغنتها
كريم ولكرمته في صدرونا قيمه=قيمة محبين ما تخلف محبتها
بشّر قدومه وحوّل ماه من غيمه=وأسلا وسلاّ ونسّى الناس ضيقتها
وبشّرت نفسي بماه وحفت أخاريمه=وإليا أن وبله موسّم في منابتها
خضراً غنيمة طروش اللي مغانيمه=ولا غنيمة هل الذود ووناستها
خاويت شيحه ونوّاره وأشاميمه=ولقيت معها هوى نفسي وغايتها
وأخذني الليل بسكونه وأحاليمه=لين أنقطع عن عيون النوم نومتها
وبددت ضيق الزمان وهمّه وضيمه=واعتا صروف الدهر شالت بضاعتها
الآدمي لو همومه دايم مقيمه=من يوم يقبل على الديره يشتتها
والصبح بحر العيون أعلن مراسيمه=على صحاصيح كنّ العشب فرشتها
يقول فل الحجاج ومنزلك ديمه=في ديرةٍ ما تمل العين شوفتها
وشبيت ناري تحت سمرً كما الخيمه=ولقيت كل الآناسه تحت ظلتها
ربيع يغنيك عن بيتك وتصميمه=وأول مكاسيبه الراحه ولذتها
لا لاعك الوقت لا تبحث مفاهيمه=ولّم زهابك ترى للنفس حاجتها
وأخذ من الربع راعي حشمه وشيمه=وأنهج على اللي غلاها من بساطتها
أمّا على موترك ولا على ريمه=أهم حاجه ترد النفس صحتها[/poem]



قصيدة قبل الغلا

[poem=font="Arial,5,#ac5668,normal,normal" bkcolor="" bkimage="" border="none,1," type=0 line=0 align=center use=ex num="0,"]
قبل الغلا كنت أشوف الناس متهوّله=بعد الغلا صرت ما أفتح للسوالف مجال
وش آخر الحب قبل أخره ويش أوّله=تعبت أدوّر جواب يسد جوع السؤال
بعد الفراق أنتبه للدمّعه محوّله=قبل الفراق أنتبه للشوق والانشغال
يا هاجره هادم الأحلام من خوّله=يحط بيني وما بينك دروبٍ طوال
لقاء .. حب .. افتراق .. وحاله مهوّله=هذا هو الوضع بالتفصيل والاختزال
لا بشرح الوضع لعيونك ولا توّله=خليه نقط فراغات لعيال الحلال
يمكن تجي خطوة العشّاق متجوّله=من حول شاعر خيالي عاف حتى الخيال
معهم تساؤل عن الشاعر ومن قوّله=وأنا اختصرت الكلام ف/ بيت عن الجدال
إبداعك أحيان من واقعك تتسوّله=وأحيان تتخيّله للناس مضرب مثال
وأنا على دولة إحساسي ومن دوّله=عنّيت خيل القصيد وما نهيت القتال
اباغتك بالقصيد الجزل وأموّله=وألقيه في منبر أصحابي كرام السبال
والمشكله شايكه والقصّه مطوّله=ما دام للشوق حوليّه وللحب حال[/poem]




القصيدة بعنوان علي
وضع لها الشاعر هذه المقدمة
( من لا يشكر الناس لا يشكر الله )

[poem=font="Arial,5,#00008b,normal,normal" bkcolor="" bkimage="" border="none,1," type=0 line=0 align=center use=ex num="0,"]
يا فاضل الفضل يا اللي زاد فضلك علي=علي فضلك ومني لك جزيل الثنا
لاني بدونك عزيز ولا بخلقك علي=ولا بغيرك أمنت التهلكه والفنا
ما دمت لولاك حاضر لي ومستقبلي=وما عشت لولاك مغنيني وفيك الغنا
يا رب قدر على شكرك فؤادٍ خلي=من كل ما هو يشوب النفس ساعة هنا
وكن معي يا عزيز الجاه فيما يلي=في ساعةٍ واجب الشعّار مني دنا
عيني على أهل الفضايل والقصيد يغلي=في جوف صدري غلي ويقول هيا بنا
نطرق على باب سمح الصورة ( أبو علي )=ما فيه داعي نروح هناك ولا هنا
عنده ليا كبرت الهقوه وصدري ملي=تمسح يدين البشاير عن جبين العنا
وأقطف من ثمار وقفاته كما طاب لي=وأقول يا نفس هل طبتي ؟ وهل سدّنا ؟
يا أبو علي قدّرك ربك ووفقك إلي=والطيب وهبه لراعي الطيب من ربنا
وأرخيت طيب وكرامه عابيات الدلي=على مجاريد كان الشوك فيها جنا
واعشوشبت بالقصيد اللي لقدرك جلي=أطب واختار منه اللي لقدرك عنا
ما لي فضل فيه مقدار أنمله غير إلي=إني جمعته على ذكرك وقلت اشجنا
وأنته غني عنه وأفعالك لوجه الولي=وأكبر دليل إنك إن سويت ما قلت أنا
بمثلك الشعر يتوشح وشاح وحلي=ولمثلك يقول بأعلى صوته الله لنا
حتى قصيدي لقيته في الحشا يصطلي=ويقول عن مدح راعي الطيب ما لي غنا
تقبل أحساس شعرٍ فاض من منهلي=يشوف شكرك وجوب وفي قبولك منى[/poem]






قصيدة طاب الخاطر

[poem=font="Arial,5,#800080,normal,normal" bkcolor="" bkimage="" border="none,1," type=0 line=0 align=center use=ex num="0,"]
مــا طــاب خـاطـرك يعـنـي مــا اقتنـعـت غـيــاب=ولا أعـجـبـتـك الـمـسـافـه بـيــنــك وبـيــنــي
عـامـيـن ادور عـلـيـك ومـــا لـقـيـت اســبــاب=تعـطـيـك حــــق لـغـيـابـك يــــا مجـافـيـنـي
أنــا عـــن الـعـهـد الأول مـــا قـفـلـت الـبــاب=للحـيـن وأنـــت الـوحـيـد الـلــي مـــلا عـيـنـي
أمـــا أنـــت بـيٌــن حبـيـبـي حـبــك الـكــذاب=لـــو مـــا أنـــت كـــذاب والله مـــا تخلـيـنـي
أوعــدك مــا عـــاد اطـــرٌي سـيــرة الأحـبــاب=واقـطــع عـلـيـك الـــدروب الــلــي تـوديـنــي
وأن شـفــت لـلـشـوق نـــاب وللمـحـبـه نــــاب=ابـنـطـحـن بـيـنـهــم واقــطـــع شـرايــنــي
عـشــان لا مـــر طـاريـنـا مــــع الاصــحــاب=تـموت كــــل الـوسـايــل قــبــل تحـيـيـنـي
وعـتــاب مـاعــاد يـنـفــع لـلـغـيـاب عــتــاب=قـــد ايـــش اكـــذب عـلــيٌ ومـــا تواسـيـنـي
صـدقــت مـــن زود مـــا حـبـيـتـك الأكــــذاب=والـيــوم شـــوف المـحـبـه كــيــف تـكـويـنـي
تـــدري وش الـظـلـم أنـــي بـالـغــلا مــرتــاب=وأنـتــه ولا يــــوم واحــــد حــــاسٍ فـيـنــي
أغـيــب وأرجـــع وأغـيــب وكـنـنــا أغــــراب=عــــادي غـيــابــي ولا سـألـتـنــي ويــنـــي
الــى مـتـى بـأرتـحـل فـــي سـكــة الأعـجــاب=وأبـعــد حقـيـقـة عــذابــي عــــن عـنـاويـنـي
للـحـب مــا شـفــت درب ومـــا لـقـيـت أبـــواب=غـيــر الـضـيـاع بـعـيـونـك يــــا مشـقـيـنـي
خـــلاص أخـــذت الكـفـايـه واقتـنـعـت غــيــاب=وخـــل المـسـافـات تـفـصـل بـيـنــك وبـيـنــي
مــا عــاد احـبــك ولا ابـغــى للـغـيـاب اسـبــاب=ومـعــاك حــــق بـغـيـابـك يــــا مجـافـيـنـي[/poem]



قصيدة لابــاس

[poem=font="Arial,5,#8b0000,normal,normal" bkcolor="" bkimage="" border="none,1," type=0 line=0 align=center use=ex num="0,"]
تـزعـل وتتغـلـى وأراضـيـك لا بـــاس=وتــرد تـزعـل وأرجــع أرد اراضـيــك
لين أختنق صدري وضاقت بي أنفاس=الله عـلــى ظـلــم الـمـحـبـه يـجـازيــك
أحيان أحس أنـك بـلا قلـب وإحسـاس=وأحيـان أقـول إن الغـلا منخلـق فيـك
أجيـك ضامـي حـب وتصـب لـي كـاس=ويلـمـنـي صـــدرك وتطـعـنـي إيــديــك
احتـرت كيـف أوصّفـك بيـن الأجنـاس=وأشـــــك إن الاخـتــلافــات تـعـنــيــك
فـي خارجـك طيّـب ووافـي وحـسـاس=وفي داخلك غـدار مـا أغـرب مباديـك
أسمـع بقلـك شـي فـي غفـلـة الـنـاس=ودي أجـــــي يــمـــك وودي أخـلــيــك
ومـا نلـت لا قربـك ولا عافـك الـراس=خليـتـنـي مـــا بـيــن هـــذي وهــذيــك
أبحـر عـلـى حـبـك والأمــواج يـبـاس=وعـروق قلبـي مـا بهـا شــي يـرويـك
ويـش أخـرت هـذا التـعـب والتنـعّـاس=غـفـيـت وعـيــون الـمـتـيّـم بـطـاريــك
والصـدق مهمـا صـار بقـول لا بــاس=قلبـي تعـود كــل مــا ضـقـت يرضـيـك[/poem]








قصيدة ((طفله)) لكن القصيده شامخه

[poem=font="Arial,5,#4b0082,normal,normal" bkcolor="" bkimage="" border="none,1," type=0 line=0 align=center use=ex num="0,"]

يا اللي على الماء تلعبين و بين يدينـك عـروس=عمرك صغيـر و مـا حسبتـي للسنيـن حسابهـا
طفله وفي عينـك برائـه تكفـي النـاس النجـوس=يـا ليتينـي مثلـك علـى الـمـاء قصـتـي وكتابـهـا
لكـن أنـا ويـاه يــا حـلـوه لـنـا طـبـع و طـقـوس=إذا اجتمـعـنـا رحـلــة الأوجـــاع نـفـتـح بـابـهــا
أسـرار وأيـام وليـالـي هــم وأفـكـار وهـجـوس=وعلوم عن ذيك السنه ما ادري وش اللي جابها
إذا اجتمعـنـا كنـنـا فــي لـيـل تسمـيـع الــدروس=كـل الحكايـات القديمـه و القصـص نـبـدى بـهـا
نبدى ولا شي انتهى و نقول و تضيق النفـوس=و أقــوم عـنّـه و السـوالـف مــا قفـلـت أبـوابـهـا[/poem]



قصيدة بعنوان مبطي

[poem=font="Arial,5,#800080,normal,normal" bkcolor="" bkimage="" border="solid,2,#de94a4" type=0 line=0 align=center use=ex num="0,"]
مبطي وأدوّر لي مساء مبطي وأدوّر لي سكون=مبطي وأدور لي من الأفكار فكره نادره
يا أبو جديل جناح طيرٍ فارشه فوق المتون=شمسه صباح الخير وعيونه وساع وخادره
ليلك مداه ابْعيد وأنت أبعد وأنا كلي طعون=ومن الحزن نوٍ على صدري سيوله حادره
أنشد / وأجاوب :كيف كنت ؟ وكيف من بعدك بكون ؟=ويطول ليلي ما عرفت الها ورود وصادره
بغيت أهونها وأعديها وعيّت لا تهون=وأنته تمر وما تعشمني وتعطي بادره
أزهدتني في الحب والأيام زادتني غبون=إن سقت حلمي مع دقايقها يروح مصادره
ما هو جديد إن قيل : ( مات الحلم بأطراف العيون )=جربت فـالدنيا وحصلت الليالي غادره
ياما وياما ويش اعد وويش غيري يحسبون=سنين وأحلامي تبا تقبل ولا هي قادره
ما أخذت منها غير شعرٍ قلت به من كل لون=جزلٍٍ يصبرني على ظلم الدهر نوادره
وإن ضقت إلي مرقاب عديته وجريت اللحون=وأكفيت نفسي شر جيش العاذلين وكادره
ولا أنت يا بعدك على قلبي وخيّبت الظنون=سجنت عاطفتي وتفكيري و (دمي هادره)[/poem]



ختامها مسك مع قصيدة ( عينك حجاجك بسمتك)

[poem=font="Arial,5,#00008b,bold,normal" bkcolor="" bkimage="backgrounds/34.gif" border="none,1," type=0 line=0 align=center use=ex num="0,"]

عينك .. حجاجك .. بسمتك .. أنفك السيف=شفايفك .. قدك .. وشعـرك .. وطولـك
كلك على بعضـك حبيبـي علـى الكيـف=مـن ويـن مـا وديتنـي جيـت أنولـك
أقلط علـى قلبـي وأنـا عنـدك الضيـف=وأحلـى السنيـن اللـي تبشـر وصولـك
يـا غيـم تــوك تبـتـدي بالسوالـيـف=وأنـا أنتظـر مـن كـم ليلـه هطـولـك
أمطر كـلام العشـق بـأرض الملاهيـف=ضميـوا ملاهيـف الغـلا وأجدبـوا لـك
لا تحرق أعصابي من الصيـف للصيـف=وتتساقـط أوراقــي بسـبـة جفـولـك
تدري أحبك واطلب رضـاك ( يـا ريـف=قلبـي ) ويـا ليـت المحـبـه تطـولـك
وإن كانت أحلامـي زفـاف وغطاريـف=فأنـا أصولـي تتفـق مــع أوصـلـك
ما هو بعيـب أراجـع الشـوق وأضيـف=أسمـك علـى قلبـي وأحقـق حصولـك
العيب لو عشنـا علـى الكـذب والزيـف=وألفـت لـك كذبـة غـلا واكذبـوا لـك
قلبـي وعينـي والقصـيـد المـراديـف=اللـي ليـا مـروا عليـك اشتكـوا لـك
ولا أنت كلك يـا حبيبـي علـى الكيـف=ومـن ويـن مـا وديتنـي جيـت أنولـك[/poem]




تقبلوا فائق احترامي