|
ابيات للشاعر سلمان الندوي وردي عليه
[poem=font="arabic transparent,4,#000080,bold,normal" bkcolor="" bkimage="backgrounds/15.gif" border="none,1,#800080" type=1 line=1 align=center use=ex num="0,"]
هذه ابيات للشاعر / سلمان بن قشيمع الندوي
إن غيبت عني غيبة امقيط ورشاه=غيبتك عني ماعليها حسوفه
مانته ترى اللي واقف(ن)وآتحرآه=والنفس لمقابل جنابه شغوفه
عيني تمنى مالقت من تمناه=والقلب صكات الليالي تحوفه
انساك لكن صاحبي كيف ابنساه=قلبي معه حروف قلبي حروفه
واشلون اشوفه تمنع اظروفي القاه=وتمنع بعد لا يلتقي بي ظروفه
تشوف عيني من تمنيت فرقاه=واللي تمنى شوفته ماتشوفه
ورديت عليه بهذه الابيات أقول فيها :
ياصاحبي من غاب والله فقدناه=شرواك ياحرن مدمي كفوفه
الذيب نفخربه ونفخر بممشاه=واللاش مانبغيه دايم نعوفه
دارت بك الدنيا على غير مشهاه=لكن عليها اقبل ولاهي نكوفه
واللي كتب باللوح غصبن بتقراه=مخلوق والخالق يمشي صروفه
وان صاحبك ماشفت الا مقفاه=اعزف عنه وخل نفسك عزوفه
قبلك انا نفسي تبي شخص تبغاه=ودي اسولف معه ودي الوفه
لكن ربي ماكتب لي ملاقاه=وآموت يمكن قبل اشاهد طيوفه[/poem]
| التوقيع |
|
محمد
صلى الله عليه وسلم |
|