رد: فكرة برج المليون رد .............!!!
الخــطيّة
[poem=font="ms dialog,5,#00008b,bold,normal" bkcolor="" bkimage="" border="none,1," type=1 line=1 align=center use=ex num="0,"]
سامح الله من قصدني واعتمدنـي بالخطيـه=من قريبين الجدود ومن بعيديـن الجـدودي
دايـمٍ مايفلـح اللـي غيّـر النيـه بنـيـه=والخطيه كان ماتنقص تراهـا ماتـزودي
خابر انك ماتـروح بعيـد يـاراع الرديـه=لو مشيت (2000) كيلو ماتعديك الحـدودي
انـت طرقـيٍ معنّـى لاشـداد ولا مطيـه=لا انت فتال العقود ولا انت حلال العقـودي
لو تحّزم بالرصاص ولـو نقلـت البندقيـه=الرصاص يذل والبندق تذل مع الشـرودي
هبّ وانا راعـي العشـوا وخيّـال العبيـه=كيف يارخو العضود تضد مفتول العضودي
والله انـي لا كليـل ولاذليـل ولاعلـيـه=مير احسب لي علومٍ مابقي منهـا وجـودي
احسب حساب الرفاقـه والمـروه والحميـه=حشمة للطيبين اللـي بعضهـم فاللحـودي
نظرتي فالطيبيـن ونظـرة الحسـاد فيـه=كلها نظرة حسد والعود في عين الحسـودي
والله اني ما ادعيـت بحجّـةٍ ماهيـب ليـه=حجتي ما تنجحد واللي جحدها من شهـودي
خافوا الله يالقضاه اللـي تعرفـون القضيـه=الصحيح يسود والباطل مصيره مايسـودي
لامطالبكـم بديـن وذمتـي منكـم بـريـه=مابقي غير العلوم اللـي يبيحـن السـدودي
بيّنٍ عيد رمضـان وبيّـنٍ عيـد الضحيـه=ياعسى الاول يعود وياعسى الثاني يعـودي
ياقطن جاتك مزوّعـةٍ مـن الحـرّه طميـه=مستخفّه عقب كانت لارمـوح ولاهبـودي
ساقها عشق الجنـون وساعدتهـا الجاذبيـه=لين عدتها الجبـال المستطيلـه والنفـودي
معجزه في عصرنا الحاضر وعصر الجاهليه=الهوى صاب الحجر مابه قلوب ولا كبـودي
وين قيس بن الملوح وين ليلـى العامريـه=كيف ماينصفهم اللي ينصف ديانـا ودودي!!
والعزا فيما بقى واللـي بقـا فيـه البقيـه=مرة الايام بيـض ومـرت الايـام سـودي
يالله اجعـل خاتمتنـا بالسـلام وبالتحـيـه=ونتوفى محرمين وفي حرم ربـي سجـودي[/poem]
حبيب العازمي
| التوقيع |
|
|
|