ناس(ن)تبهرج لك وهي اصلها نحاس
[poem=font="arial,5,#00008b,normal,normal" bkcolor="" bkimage="" border="none,1," type=0 line=1 align=center use=ex num="0,"]
ناس(ن) كما ناس(ن)وناس(ن)ماهم ناس=وناس(ن)تحب الناس والكل ناسي
من كثركم ياناس انا صرت محتاس=والوضع ماهو زين فيه انحواسي
ناس(ن)تبهرج لك وهي اصلها نحاس=لمعة ذهب تخدعك لكن نحاسي
وناس غير الناس هم در والماس=واحد وفي وزنه يزن طن ماسي
وناس(ن)ليا خاويتهم ترفع الراس=وناس(ن)ليا خاويتهم شاب راسي
وناس(ن) لها قوة وسطوة بها باس=وناس(ن)ضخام الجسم مافيها باسي
وناس تسهر ليلها هرج وعساس=وناس(ن)تنام ولا تحب العساسي
واشوف ناس(ن)شوفها يذهب اليأس=والبعض الاخر شوفهم زاد يأسي
هذا يقول الشعر شاعر وحساس=وذاك لا يشعر ولا هو بحآسي
وذا يفز واقف لجى عينه نعاس=وذاك يتبطح لجاه النعاسي
وهذا شيخ القوم ماهو بيرآس=وذاك خبلن طول عمره يرآسي
من جد لا قالو ترى الناس أجناس=مافي تطابق بينهم أو جناسي
والفرق واضح مايبي علم ودراس=ولا خير في دنيا بليا دراسي
الشاعر/ صعيب الندوي[/poem]
| التوقيع |
|
محمد
صلى الله عليه وسلم |
|