::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

05-03-2009, 06:02 PM

لشاعر الدكتور / ماجد الياسي

يقولون الهوى كاساً غريبة تمتلـك طعميـن
وانا لي صاحباً للحيـن يلعـب ماسقانيهـا

وانا لوهو سقاني المر ابصبر واحتريه سنيـن
عساه يحن لايـام الغـلا ويجيـب ثانيهـا

وهو يدري ضلوع صويحبه لو يثني السكين
تبى تفرح بسكين الهـوى وتطيـع ثانيهـا

وانا ماني من اللي يجزعه صرف الزمان الشين
وصدري مقبره لطعـون مابانـت لجانيهـا

هذاك اللي ليا شفته سرق حسنه غرور العين
واصير اعمى عن الدنيا وقاصيهـا ودانيهـا

له عيوناً قبل لاشوفها ماكنت اعرف الزيـن
ولاكنت اعرف سهوم الغلا وشهي معانيها

ليامن سلهمت بي تهت اببحر وين مدري وين
اببحـر فـي بحـورٍ ماترسينـي موانيهـا

اجيه بعزتي شامخ وكاني السيف ابو حديـن
واعود سيف حدينـه مثلمهـا وحانيهـا

شفاهه حيرتني كيف تجمع وسطها ضديـن
وكيف الثلح ويّا الجمر جامعهـا وبانيهـا

وله ثغراً مثل برق المطر يفرح بـه الضاميـن
حوى شهد الزهور اللي قطفها من مجانيهـا

وله خداً مثل بدر السما يبصر به الساريـن
تملا من عدود الزيـن وعيونـي سبانيهـا

وله ضحكة بريئة مثل طفلة عمرها عاميـن
هدتها أمها لعبـة وقالـت مـن هدانيهـا

وله نظرة جريئة تسرق السلوه من الساليـن
تسافر بي في رحلة بالذهب تشرى ثوانيهـا

جديله لانسكب متنه مثل ليله بعد عشريـن
قمرها غاب عنها والظلام احتـل آمانيهـا

وعوده لانثنى غار الخزاما واخجل اليسمين
غصوناً ماتثنت عقب شوفه مـن مثانيهـا

هذاك اللي ليا منّه حكى يسكت له الحلوين
ألا ياليتني كلمـه علـى بالـه حكانيهـا

هذاك اللي رموني فيه عذالي مـن الصوبيـن
وانا لي نفس عـن هقواتهـا محـدٍ يوانيهـا

هذيلي لا بغى حاجة شراها كاش ولا ديـن
يمينـه طايلـه والقـوم ماطالـت يمانيهـا

لكن الخوف خوف الصد لايرحل غداة البين
ويطعن روحي الخضرا بصده فـي محانيهـا

ويسقينى سموم البعد لا وحـده ولا ثنتيـن
وانا استنّي رحيق الوصل يرحل ماسقانيهـا

الله الله قصيده رائعه فعلاً وكلماتها جزلة الف مبروك الف مبروك لشاعرنا احب ربعي .........

يعطيك العافيه ابو فهد

تحياتي

الهنوف