::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

05-09-2009, 11:59 PM


	هلا يامرحبا ترحيـب ماحـده عـدد وقيـاس تراحيـب الديـار المجدبـه بالغيـث يحييهـا ألا ياشاعرٍ تاخذ وتعطي والقصيـد إحسـاس تصوغ إحساسك الطيب قصايـد ثـم تهديهـا ليا جات الهديه من ولد عمي عريب السـاس أعلقهـا وسـام وتسمـع العالـم بطاريـهـا لو الرجال يتعب في دروب العز مابـه بـاس مادام إنـه يحـاول ياصـل القمـه ويبديهـا صحيح إن الصعود لمن يريده يقطع الأنفـاس ولكـن النهايـه تسعـد النـفـس وتهنيـهـا مثل ذاك الدوى اللي مر ماينذاق جوف الكاس عليـه يوصـي الدكتـور والعلـه يداويـهـا ومنهو عاش في الدنيا وجربها غنى وإفـلاس يمشيهـا لياهانـت ولا صعـبـت يماشيـهـا ولاكل البشر تصدق ولاكل الطـرق تنـداس ولاكل المعادن سعرها فـي السـوق يغليهـا تعلمنا مـن الدنيـا وعاملنـا كثيـر اجنـاس ومامـن ديـره إلا جيتهـا وعرفـت اهاليهـا لقيناهم معادن مثل ما قالـوا ذهـب ونحـاس رجال نبيعها بارخص ثمن ورجـال نشريهـا ومنهو مثل ياسر في طريق العـز مايحتـاس يوردها علـى العـد القـراح اللـي يروّيهـا من الصمان ربعي اللي تشب النار في المقباس ليا دارت رحاة الحرب تطحـن مـن يعاديهـا

صح لسانك ياشاعرنا
وبيض الله وجهك