اجمل الباقات
السلام عليكم ورحمة الله وبركاته
قصيدة بعنوان اجمل الباقات عسى ان تنال على إعجابكم
[poem=font="arabic transparent,5,#008000,bold,normal" bkcolor="" bkimage="" border="none,1," type=1 line=0 align=center use=ex num="0,"]
يا حزين الحرف لعثمت الكلام=وارتوى خدك من الدمع الحزين
ليه يا بدر المسا رمح الظلام=صرت ما بين الأماني والحنين
ما على الدنيا وما فيها ملام=كل ما تجنيه من زرع اليدين
والشقى لو حط في جوفك خيام=ما كتب لك بيد رب العالمين
والزمن لا جا على صفوه عسام=ينجلي والخير من عقبه يبين
يقبل الوسمي وينزاح الغمام=والهشيم اللي على الصبخا يلين
الثمر والورد يُجنى كل عام=ما حصل في العام يُجنى مرتين
دام بالدنيا تآلف وانقسام=وانفلات الذات والحبل المتين
حث خطوات القدم صوب المرام=والبس لباس الكرام الصابرين
واجمع افكارك بحكمه واهتمام=واقرب من العد قبل الواردين
قابل الهجمه وسدد للأمام=والهدف مشروط بالوقت الثمين
واقبل التقدير في مسك الختام=واجمل الباقات فل وياسمين[/poem]
وسلامتكم
|