رد: فكرة برج المليون رد .............!!!
قصيدة لمحمد الأحمد السديري رحمه الله
أتمنى أن تعجبكم...
يقول مـن عـدا علـى راس عالـي..رجم طويـل يدهلـه كـل قرنـاس
في راس مرجـوم عسيـر المنالـي..تلعب به الأرياح مـع كـل نسنـاس
في مهمه قفـر مـن النـاس خالـي..يشتاق له من حس فالقلب هوجـاس
قعدت فـي راسـه وحـدي لحالـي..براس الطويل ملابقه تقـل حـراس
متذكـر فـي مرقـبـي ماغـدالـي..وصفقت بالكفين يـاس علـى يـاس
أخـذت أعـد أيامـهـا والليـالـي..دنيـا تقلـب ماعرفنـا لهـا قيـاس
كم فرقـت مابيـن غالـي وغالـي..لوشفت منها الربخ ترجـع للأفـلاس
يامـا هفابـه مـن رجـال مدالـي..ماكنهم ركبوا علـى قـب الأفـراس
ولاقلطوهـن للكمـيـن المـوالـي..ولاصار فوق ظهورهن قطف الأنفاس
ولارددو صـم الـرمـك للتـوالـي..كل يبي مـن زايـد الفعـل نومـاس
من بينهـم سمـر القنـا والسلالـي..مثل البـروق برايـح ليلـه أدمـاس
يقطعـك دنيـا مالهـا أول وتـالـي..لو اضحكت للغبن تقرع بالأجـراس
المستريح اللي مـن العقـل خالـي..ماهو بلاجـات الهواجيـس غطـاس
ماهـوب مثلـي مشكلاتـه جلالـي..ازريت سجلهـن بحبـر وقرطـاس
حمـل ثقييـل وشايلـه باحتمـالـي..وأصبر على مر الليالـي والأتعـاس
يابجـاد شـب النـار وأدن الدلالـي..واحمس لنا يابجـاد مايقعـد الـراس
ودقــه بنجرياظـريـف العيـالـي..يجذب لنا بع علـى أكـوار جـلاس
وزله إليـا منـه رقـد كـل سالـي..وخله يفـوح وقنـن الهيـل بقيـاس
وصبـه ومـده ياكريـم السبـالـي..يبعد همومي يـوم أشمـه بالأنفـاس
فنجـال يغـدي ماتصـور ببـالـي..ورابع تضرب به أخمـاس بأسـداس
لاخـاب ضنـي بالرفيـق الموالـي..مالي مشاريـه علـى نايـد النـاس
لعـل قصـر مايجيـلـه ظـلالـي..ينهـد مـن عالـي مبانيـه للسـاس
لاصـار ماهـو مدهـل للرجـالـي..وملجاً لمنهو يشكي الضيـم والبـاس
بحسناك يامنشـي حقـوق الخيالـي..ياخالـق اجنـاس ويامفنـي أجنـاس
تجعـل مقـره دارس العهـد بالـي..صحصاح دو دارس مابـه أونـاس
البـوم فـي تالـي هدامـه يلالـي..جزاك ياقصر الخنا وكـر الأدنـاس
متـى تربـع دارنــا والمفـالـي..وتخضر فياض عقب ماهيـب يبـاس
نشـوف فيهـا الديدحـات متوالـي..مثل الرعاف بخصر مدقوق الألعاس
زينثر على البيدا سـوات الزوالـي..يشرق حماره شرقة الصبغ بالكـاس
وتكبر دفـوف معبسـات الشمالـي..يبني علهن الشحـم مثـل الأطعـاس
| التوقيع |
|
|
|