|
رباعيه عبيدالله القارحي + القرقاح +حامد القارحي +بن ثايب
[poem=font="arial,5,#0000ff,normal,normal" bkcolor="" bkimage="" border="none,1," type=0 line=0 align=center use=ex num="0,"]
عبيدالله الهذلي
الشاعر القرقاح يطمر من مكان اليا مكان= واخاف يطمر طمرة ماعاد اشوفه بعدها
حامد القارحي
الفارس اللي ماترجل من على ظهر الحصان = اليا صدمها هدها وان كان اخذها ردها
فلاح القرقاح
الشاعر القرقاح لامن قام بتقوم اقحطان = متحزم له في رياجيل عريب جدها
محمد بن ثايب
ان سدك القرقاح ولاجيتك بنصف اشهران = والرابح اللي لحتزم دون الحدود يسدها
عبيدالله الهذلي
اخاف ليا قامت بني عمك تجيب الها جنان = ولاهذيل اليا تعزوت مانت واقف ضدها
حامد القارحي
ان كان حارت للعزاوي لاتهون ولا نهان = جاتك جموع من جهة مكة يهول عدها
فلاح الفرقاح
اهم حاجة يبيض النيه نجاح المهرجان = واحذر تورط في علومك صار مانت بقدها
محمد بن ثايب
ياهذيل لوانكم عرب ماكان اخذنا ترجمان= الاوله بنصدها والثانيه بنصدها
عبيدالله الهذلي
وشلون ينجح وانت متوظف على بند الضمان = ودك بحاجه والنشاما قبل ودك ودها
حامد القارحي
اهل الفصاحه واللغه جاتك لغتنا في القران = لكن مثلك ماعرفنا مزحها من جدها
فلاح القرقاح
ترى المطوع مايخاف الجن ياساحر عمان = تبغونها بزند يالهذلان ولا بدها
محمد بن ثايب
بذيتموني ياشباب الببس و البرتكان = الله واكبر لا اله الا الله احسن شدها
عبيدالله الهذلي
ياداعية قحطان ماضنك سليم من الجنان = وهل المواقف الاصيلة مانت باحث سدها
حامد القارحي
اللي في مجموعتك ياذا العود تبشر بالامان = ولا المطيه قبل نحضر وسمنا خدها
فلاح القرقاح
من كبر قلبك تحسب السيف مثل الخيزران = اقعد ورى ونبرك الجمل لـــــــــــــــــــــــ
محمد بن ثايب
انتم من اول ياجماعه ماتصومون ارمضان = وان جو صبيان اقحطان صحت تشكي ضدها[/poem]
| التوقيع |
|
[bimg]C:\********************************s and Settings\AlHateemCenter\My ********************************s\عبيدالله القارحي.jpg[/bimg] |
|