يارقيق المشاعر وين راح الحنان؟!!

قصيده للمبدع عطاالله فرحان..

الكلمات اعجبتني صرآحه قريبه مني وطالت السحاب بروعتها ويارب تنال رضاكم.....

..........

يارقيق المشاعر وين راح الحنان
ليش ماشلت قلبٍ طاح قدام عينك؟!

الزمن هو زمانك والمكان المكان
وآخر الشعر كلمه تسألك عنك وينك ؟!
من تقهويت صوتك سولف الزعفران
عاد وشلون فنجالٍ تمدّه يمينك؟!

*تذكر شلون كنا والغلا كيف كان
يوم لاغبت عنّك ماأسمع الا ونينك!!!!*
أشعر بخوف مدري كنت أحس بأمان
يكفي إن جيت يمك طار فيني حنينك!!

إشكثر كنت وافي واقرب الناس خان
بس اثق فيك حتى لو عيوني تدينك!!!
*راحت سنين من عمري وعمرك ثمان*
يوم شحت سنيني عوضتني سنينك!!

زان عمري بقربك يعني الوقت زان
حتى جرد القصايد ربّعت في يدينك!!
طول عمري وانا لاوي ذراع الهوان
شفت يومك بعيني منهو يقدر يهنيك؟!

ماأذكر إني نسيتك وأذكرك من زمان
وأذكر إني ضحية بين قلبي وبينك!!
*تدري وش جابني لك لا تقول الحنان
جيت أبشيل قلبٍ طاح قدام عينك!!*

..........