رد: فكرة برج المليون رد .............!!!
[poem=font="simplified arabic,4,,normal,normal" bkcolor="" bkimage="" border="none,4," type=1 line=0 align=center use=sp]ليه المسا عـوق الشقـاوي وطبّـه
وليه الهبوب تصحّي القلـب لا بـات
وليه القمر يدعـي جريـح المحبّـه
ويقول له يا هيه .. ما فات .. ما مات
جرحك ظهر لو قلـت للوجـه خبّـه
وللحزن في ضحكك رسوم وعلامـات
وليه المطر بالـذات ريحـه وصبّـه
كنّه رسول بيـن الاحبـاب بالـذات
اشتـاق فيـه لشوفـتـك واتنـبّـه
للي نسيته مـن مواقـف ونظـرات
لا استانس الخافق ذكر مـن يحبّـه
ورجع يراجع فالوناسـات مـا فـات
يا مرتـع القلـب الحزيـن ومربّـه
يزيين بك مثل الذهب صدر الابيـات
هيهات ينسى القلب شخـص ٍ لعبّـه
وهيات يدلهخاطري منـك هيهـااااات
سبّك مديـح ومـدح غيـرك مسبّـه
تقول واذني صوتها تقول لـك هـات
ونبع الغلا عنـدك وعنـدي مصبّـه
ومن الولا .. في خافقي لك .. ولاياات
وطيفك حطب عيني .. وعيني مشبّـه
والشوق برد ٍ ما انقطع لو للحظـات
ومكانك الصدر ولـك القلـب شبّـه
بين الظلوع اللـي فردهـا التنهـات
ولك بيـرق ٍ فالقلـب حبـك يهبّـه
شامخ ولا هزه مـن العـذل غـارات
محبتـك فالوقـت ذا مــا تشـبّـه
الا بخيمـة بـدو بيـن العـمـارات
ان شفتني ضايق واهوجـس واسبّـه
اخاف غدر الوقت .. والوقـت دورات
لا تحسب ان دمعي نـزل دون سبّـه
ابكي من الفرقا وهـي مابعـد جـات
اليـوم كـل امورنـا .. مستتـبّـه
وبكره ماندري وش معه من مسرّات
اربّ قلبـك مـثـل قلـبـي اربّــه
ما يخلفه شور العـرب والمسافـات
*****
للشاعر محمد بن فطيس[/poem]
تحياتي
الهنوف
|