::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

06-11-2009, 05:39 PM

[poem=font="simplified arabic,3,indigo,bold,normal" bkcolor="" bkimage="" border="none,1," type=0 line=0 align=center use=sp]للهم ساحـات بقلبـي مثـل سـاحـات القـتـال =فيهـا الأصيـل مـن المهـار تعـود بخيالـهـا

ولا يطفي حر مـا بـي مـن حرايـق واشتعـال=إلا الدمـوع اللـي مـن عيونـي يهـل هلالـهـا

لا زال فيـهـا دمعتـيـن للـفـراق ولا تــزال=ذكـرى هنـوف كـل يـوم أحطهـا وأشتالـهـا

راحت عسى الله مـا يلحقنـي مشاريـه الرجـال=تقـول كنـي مـا خلقـت مـن التـراب إلا لهـا

عز الله إنـي مـا نسيـت أفعالهـا بنـت الحـلال=لعـل ربـي مـا يجازيـهـا بـسـو أفعالـهـا

أكبر جريمة ترتكبهـا فالهـوى مـن وسـع بـال=هـذي ضحايـاهـا بقلـبـي شـيـدوا تمثالـهـا

وشلون تهجرني وأنا مالي علـى الهجـر احتمـال=وشلون تهملني وأنـا مـا نيـب أطيـق إهمالهـا

وشلون تقطعني بسيـف الهجـر قطـاع الوصـال=وأنا لو أقطع عـرق قلبـي مـا قطعـت وصالهـا

وشلون ما تشتاق .. ما ترحم .. ما تذكر .. ما تسال =وشلـون مـا تطلـق يديـن كبـلـت بأغلالـهـا

وشلـون مـا يطـري عليهـا لا تفيـت فالظـلال=متشبـث لا وقـفـت جنـبـه قـعـد بظلالـهـا

مكسور خاطر والسـؤال أعـوذ مـن ذل السـؤال =يا ما أنتظر مـن بـرج هاتفهـا يبـث إرسالهـا

لكن مـا الآدمـي حيلـه ليـا مـن الحـظ مـال=الميلـه اللـي فـال ربـي خيـر لـه مـن فالهـا

هـي فقدتنـي مـن هنـا وأنـا فقـدت الاتصـال=مـن يـوم غابـت لا رسايلـهـا ولا جوالـهـا

يـا قسـوة الأيـام والحـظ الـردي والاتـكـال =علـى مقولـة (للمواقـف والـلـزوم رجالـهـا)

يالله دخيلـك مـن تردايـة نصيـب وشيـن فـال=من حيرة أمـري ليـت عنـدي حيلـة وأحتالهـا

إن أرخصت قدري وطاحت قيمتي والهجـر طـال= قولولهـا تـتـرك مكابـرهـا وتـأخـذ بالـهـا

إني من اللـي فـوق فـوق فـوق وعـال عـال =تركـد ويركـد عمهـا معهـا ويـركـد خالـهـا

لا وصلـت للحـد هـذا لا نـقـاش ولا جــدال=تبعـد وتنكـف الأمــور دقاقـهـا وجلالـهـا

لو المفارق صعب والنسيان ضـرب مـن الخيـال =ارخـاي راسـي لا يـروق إلهـا ولا يحلالـهـا

أحفظ لها قيمـة غلاهـا وانتظرهـا مـن شمـا ل=وإذا نستنـي هــذه الدنـيـا وهــذي حالـهـا

أما أني أنساها نسـى الله مـن نسـى ذاك القبـال=يا صـب روحـي صـب دلتهـا علـى فنجالهـا

قولولهـا لاستخسـرت فينـي رياليـن اتـصـال=تهـدي علـى جمعيـة الصـم البـكـم جوالـهـا[/poem]

للشــآعر مــدغــم آبو شيبـــه ..