::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

06-13-2009, 12:04 AM

يا ناشدي عن طرقتي ماتوانيت = رجيتها بالمختصر والإفاضه

منها تهامت كل عبره وسميت = ومشيتّها لو إن فيها مضاضه

ياليت ماتـنفع ليـا قـلت ياليت = الصبر للنفس القنوعه رياضه

أصبر ترى ماطايلك لاتشكويت = الناس هذا الوقت فيهم غلاضـه

حتى زمنّا شف بلاويه نبيّت = ترومه العالم وترعى رياضه

زمان كنّا عالماً في وسط بيت = واليوم بيت وجو عالمه غاضه

يا ما تحت سقف البساطه تمنيت = ويا ما حلمت وزان حلمي بياضه

ويا ما بريضان الاماني تمشيت = ويا ما سليت بواقعي واكتضاضه

ايام ياخذني الفرح وين لديت = ماكنت افكر للزمـان إمتعاضه

كبرت !! لكن حجم حظي يابلفيت = ماكنه إلا ورع لابس حفاظه

دارت بي الايام سافرت وابطيت = ولاشفت لااسراب المزون انتفاضه

حتى حبيبة عمري الست جوليت = تناست الود القديم وفياضه

تحضرت من عقب شدت وشديت = وتناست الحلم البري وافتراضه

نسيت ليا نادت عليّ ثم لبيت = وحسيت في نبضات قلبي انقباظه

أوعز لها شوقي ليامن تواريت = وأجيلها كلي وروحي مهاضه

كنا نحلم ببيت من طين وونيت = ونجمع على درب المسيل الحماضه

واليوم من بعد المحبه تجافيت = يالله بسيطه (مات رشدي آباظه)

دنيا غريبة شابها حظي الميت = ممنون موتي لاتهادت حياضه

صابر ! ولافي غير ربي تهقويت = ولاشدني ريّب القدر واعـتراضه