::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

06-22-2009, 04:14 AM


	المشاركة الأصلية كتبت بواسطة أبو حمدان


	أخوتي الأعزاء في مجالس قبيلة هذيل السلام عليكم ورحمة الله وبركاته أطرح بين أيديكم هذه المتواضعة أرجو أن تنال استحسانكم : [poem=font="arial,5,black,bold,normal" bkcolor="" bkimage="" border="none,1," type=2 line=0 align=center use=sp]هبت سموم القيض والحر لفّاح = واحترّت البيدا وصم الصلافيح والدهر عم الدار والمزن شحّاح = والجو قتّر والليالي مكاليح والبدو شدت تتبع لبارقاً لاح = في الشرق نصّب له مزوناً مراويح ترزم رعوده والمطر عقبها طاح = وانبت ثماري العشب والفل والشيح وآنا بهالدنيا مغربل وسوّاح = ماكني إلا غصن تلعب به الريح سنين وأنا مجهد الروح مطواح = اركض في دنيا الفقر واقوم واطيح واسعى واقول الهم لابد ينزاح = لكن تعبت ولا جنينا مصاليح مثلي سوات اللي زرع في ارض صحصاح = وش يجني الزراع في أرضاً صحاصيح ؟ تهبين يادنيا التعاسة والأتراح = ماعاش فيك إلا الهدون المشافيح وإلا العزيز إذا بغى ينتهض طاح = والهم جرّح مهجة القلب تجريح واليوم ودي أجلي الهم وارتاح = وابعد عن اصحاب الردى والملافيح قلبي لمدهال المقانيص شبّاح = وخوة رجالاً كل أبوهم طحاطيح رجال مافيهم كسولاً ولحّاح = من خيرة الأصحاب نقوة مفاليح نقصد بهم داراً عليها الحيا ساح = نلقى بها دهم الأرانب بلاطيح والخرب مابين البساتين لوّاح = راحت تحت سطو المظفر مطاريح نقضي بها وقت السعادة والأفراح = وأنسى هموماً لاحت القلب تلويح مدري متى يسمح لنا الوقت ياصاح = وناخذ لرحلتنا وثيقة وتصريح يالله ياللي السر لك دوم ينباح = حقق أماني اهل القلوب المجاريح[/poem] وسلامتكم أخوكم / أبو حمدان الدعدي الهذلي

الله الله

من أجمل ما قرأت الفتره الأخيره و بدون مجامله

قصيده تساما بها الخيال العذب

هي الفل و الشيح

,
,
بارق لاح في سماء الشعر

,
,

برغم ما تحتويه من تشاؤم الا أن فيها كبرياء و تسامي

,
,

أبو حمدان

شاعر يأبا الشعر إلا أن يكتبه

دائما

ننتظر جديده بكل شوق

لأن قصائده هي الصيد في ديار الشعر

,
,

أبو حمدان صح لسانك لين ترضى

شكرا لك