::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

06-25-2009, 11:46 AM


	المشاركة الأصلية كتبت بواسطة بن عادي


	هبت سموم القيض والحر لفّاح واحترّت البيدا وصم الصلافيح والدهر عم الدار والمزن شحّاح والجو قتّر والليالي مكاليح والبدو شدت تتبع لبارقاً لاح في الشرق نصّب له مزوناً مراويح ترزم رعوده والمطر عقبها طاح وانبت ثماري العشب والفل والشيح وآنا بهالدنيا مغربل وسوّاح ماكني إلا غصن تلعب به الريح سنين وأنا مجهد الروح مطواح اركض في دنيا الفقر واقوم واطيح واسعى واقول الهم لابد ينزاح لكن تعبت ولا جنينا مصاليح مثلي سوات اللي زرع في ارض صحصاح وش يجني الزراع في أرضاً صحاصيح ؟ تهبين يادنيا التعاسة والأتراح ماعاش فيك إلا الهدون المشافيح وإلا العزيز إذا بغى ينتهض طاح والهم جرّح مهجة القلب تجريح واليوم ودي أجلي الهم وارتاح وابعد عن اصحاب الردى والملافيح قلبي لمدهال المقانيص شبّاح وخوة رجالاً كل أبوهم طحاطيح رجال مافيهم كسولاً ولحّاح من خيرة الأصحاب نقوة مفاليح نقصد بهم داراً عليها الحيا ساح نلقى بها دهم الأرانب بلاطيح والخرب مابين البساتين لوّاح راحت تحت سطو المظفر مطاريح نقضي بها وقت السعادة والأفراح وأنسى هموماً لاحت القلب تلويح مدري متى يسمح لنا الوقت ياصاح وناخذ لرحلتنا وثيقة وتصريح يالله ياللي السر لك دوم ينباح حقق أماني اهل القلوب المجاريح سلمت يابو حمدان وصح لسانك نص رائع جدا يحمل جواهر من المعاني الخاصه تقبل مروري ولا تحرمنا من نصوص بهذه الروعه الله لا يهينك

سلم غاليك والشر مايجيك يابن عادي
وصح الله بدنك يالغالي
وأغلى جواهر عندي مرورك هنا
ألف شكر وبارك الله فيك