رد سلمان الندوي على قصيدة صعيب الندوي
ناس(ن)كما ناس(ن)وناس(ن)مهم ناس
وناس تحب الناس والكل ناس
من كثرهم ياناس انا سرت محتاس
والوضع ماهو زين فيه انحواسي
ناسن تبهرج لك وهي اصلها انخاس
لمعة ذهب تخدعك لكن نحاسي
وناس غير الناس هم در والماس
واحد وفي وزنه يزن طن ماسي
وناسن ليا خاويتهم ترفع الراس
وناسن ليا خاويتهم شاب راسي
وناسن لها قوه وسطوه لها باس
وناسن ضخام اجسام مافيها باسي
واشوف ناسن شوفها يذهب الياس
وناسن ليا من شفتها زادياسي
وذا يفز واقف لاجا عينه انعاس
وذاك يطبح لاجاه النعاسي
وهذا شيخ القوم ماهو بيراس
1وذاك خبلن طول عمره يراسي
الفرق واضح مايبي علم ودراس
ولاخير دنيا بليا دراسي
الشاعرِ/صعيب الندوي
الناس فيها اشكال وانواع واجناس
فيها هل الدجه وفيها السياسي
وفيهاعلى فيها من الناس بلاس
واليا سألته قال انا دبلماسي
وفيها نشاما في المواقيف ذو باس
وفيها رخوم تُكد مثل التكاسي
وفيها طحاطيحن على قب الافراس
ذولا كما جبال الحجاز الرواسي
يوم الزمن وعروق الايام يبْاس
قبل القوى العظمى تحط الكراسي
وانا ينومسني من الناس قرناس
اخوتك نوماس ياتاج راسي
قاست في الدنيا ومرت بي اتعاس
ولاني بمن يخضع لو الوقت قاسي
وان كان انا حزني من الوقت لابْاس
غيري صبر على الحزن والمأسي
افكاريه زادة وانا فيني اعماس
صبولي الفنجال يجلا عماسي
بريتن جيبة على شاص في اكياس
من اليمن والكيف له دور اساسي
الشاعر /سلمان قشيمع الندوي
|