::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

07-03-2009, 03:52 PM


	المشاركة الأصلية كتبت بواسطة أبو حمدان


	أخوتي الأعزاء في مجالس قبيلة هذيل السلام عليكم ورحمة الله وبركاته أطرح بين أيديكم هذه المتواضعة أرجو أن تنال استحسانكم : [poem=font="arial,5,black,bold,normal" bkcolor="" bkimage="" border="none,1," type=2 line=0 align=center use=sp]هبت سموم القيض والحر لفّاح = واحترّت البيدا وصم الصلافيح والدهر عم الدار والمزن شحّاح = والجو قتّر والليالي مكاليح والبدو شدت تتبع لبارقاً لاح = في الشرق نصّب له مزوناً مراويح ترزم رعوده والمطر عقبها طاح = وانبت ثماري العشب والفل والشيح وآنا بهالدنيا مغربل وسوّاح = ماكني إلا غصن تلعب به الريح سنين وأنا مجهد الروح مطواح = اركض في دنيا الفقر واقوم واطيح واسعى واقول الهم لابد ينزاح = لكن تعبت ولا جنينا مصاليح مثلي سوات اللي زرع في ارض صحصاح = وش يجني الزراع في أرضاً صحاصيح ؟ تهبين يادنيا التعاسة والأتراح = ماعاش فيك إلا الهدون المشافيح وإلا العزيز إذا بغى ينتهض طاح = والهم جرّح مهجة القلب تجريح واليوم ودي أجلي الهم وارتاح = وابعد عن اصحاب الردى والملافيح قلبي لمدهال المقانيص شبّاح = وخوة رجالاً كل أبوهم طحاطيح رجال مافيهم كسولاً ولحّاح = من خيرة الأصحاب نقوة مفاليح نقصد بهم داراً عليها الحيا ساح = نلقى بها دهم الأرانب بلاطيح والخرب مابين البساتين لوّاح = راحت تحت سطو المظفر مطاريح نقضي بها وقت السعادة والأفراح = وأنسى هموماً لاحت القلب تلويح مدري متى يسمح لنا الوقت ياصاح = وناخذ لرحلتنا وثيقة وتصريح يالله ياللي السر لك دوم ينباح = حقق أماني اهل القلوب المجاريح[/poem] وسلامتكم أخوكم / أبو حمدان الدعدي الهذلي

شيخنا الفاضل أبو حمدان .. وعليكم السلام ورحمة الله وبركاته

أولا: كل العذر منك يابو حمدان .. والله إني مريت مبكراً وأفتكر اني تركت لي أثراً هنا

ولكن لا أعلم مالذي حدث ربما عند الاعتماد حدث خلل .. فمتصفح مثل متصفحك لايمكن

أن نمر عليه مرور صامت .. لذلك أكرر عذري وأسفي ..

ثانياً : بالنسبة للقصيدة فهي شامخة تتزين بالابداع وتنطق بالأصالة .. ويكفي أن تكون

تحت معرف أبو حمدان لتكون كذلك .. فقد تعودنا منه .. الجزالة و الابداع والتميز ..

ولا نقول الا .. صح الله كلك .. وبيض الله وجهك .. ودمت في حفظ الرحمن ،،،