رد: ابو سليمــــــــــــان
[poem=font="times new roman,4,darkred,bold,normal" bkcolor="burlywood" bkimage="" border="none,1,black" type=1 line=0 align=right use=sp]يابو سليمان شدتني شرارة شعلة الدافور = تزهب واترك البراد لين يفوح دخانه
وعطني منه بس بيالتين وخل نور السور = يهدي من ظلام الليل ويخفف من الوانه
وانا اشوفك واحس انك من ظروف الزمن مقهور =واحس بطير صدرك يوم مال الياس باغصانه
يعوقنه ظروفك لا يطير وينثني مجبور = تعب من كثر ما يصفق على ظلوعك بجنحانه
عيونك في بحرها الملح وسنينك صحاري بور = وفي تنهيدتك صوت الشقى يعزف على الحانه
ولكن .... والله انه ثم والله ماعليك قصور = على كل الظلام اللي يهد الحيل واركانه
ترى منتب لحالك جعل حال مقابلك مستور = تعوذ من بليس ووكل الله واطلب احسانه
وانا يالله طالبك السعادة واختصار الشور = ليا تاهت بنا الاريا وصك الحظ بيبانه
وجينا نرفع يدينا من قلوب تفيض شعور = ونسألك الثبات ونستعيذ ابليس واعوانه
تدل الحايرين بكل سكة دربها مهجور = بعد طول الغياب وتجمع المشتاق باخوانه
يدور الوقت وتدور الليالي والرحاة تدور =وتطحن كل راس فيه حب وتخرس لسانه
فمنهم من قضى نحبه ومنهم ينتظر للدور = ومنهم من يكابر بالفرح والقلب باحزانه
مصيره ياخذ دروس الحياة ويطمر العاثور = هذا شي كتبه الله علينا جل في شانه
لأن الأصل ثابت والحياة اللي بلا دستور = حياة ما لها في صفحة العليا ولا خانه
عيون ما تفيض بدمعة الذكرى عيون عور = وقلب مايحس بدمعها يطويه كتمانه
اشوفك واعرفك واسمعك ياللي تلتفت بغرور = واجيك وتبعد الخطوة... عليك الله وامانه
انا ماجيت ابافضحلك ستر والا اكشف المستور = ولا جيتك مثل ماكنت اجيك ولا لي رهانه
انا حبيت بس اكتب على غلاف الكتاب سطور = قبل لا امشي وكل كتاب بين باسم عنوانه
رثعنا لين قلنا بس ماشفنا طلايع نور = وشفنا النور في طاعة ولي العرش سبحانه
لقينا النور فايات الحديد وفالضحى والطور = وفي طه وفي سنة نبي الله وقرانه
شهادة حق ما لي من وراها ما لشاهد زور = من الظالم ولا ارجي من وراها غير غفرانه
ليا منه غفر ربي علينا وخاطر المكسور = جبر به جابر العثرة بتوفيقه ورضوانه
على الدنيا السلام ومن سعى فيها لنا مشكور = تركناه وخضعنا تحت ظل الله وسلطانه[/poem]
على الدنيا السلام
على الدنيا السلام
على الدنيا السلام
,
,
,
الله الله يا بند
ماشاء الله
كيف لك أن تجمع كل هذا الجمال
موقف يقف له كل قلب
يجتذب شاعرية و أحاسيس بندر بن حجي حيث الجمال
و تخلص في أبها صوره و أبدع ما يكون
قصيده في قمم الشعر
,
,
بندر
شكرا لك على كل حرف
| التوقيع |
|
.
اعزف على لحن الوجود المنسي . . . . . . . . . و ابكي و اعاتب و ادعي و اقاضي
في داخلي جني بتفكير انسي . . . . . . . . . . وان كان اهذب فكرتي و الفاظي
ماهو على شاني ولد رومنسي . . . . . . . . . . . . . لكن فاضي للكلام الفاضي
. . |
|