من قصيد جدي رحمه الله
هذي القصيده من قصائد جدي رحمة الله تعالى وهي عباره عن حوار بينه وبين الضلع اترككـــــــــــــــم لتتمتعوا بهـــــــــــــــــــاااا
هاضني راس الحلاف ونايف مرقب عليه
نايف(ن) عديت فيه وشفي الذيب السباحي
بعد ماجاني تهيض خاطري وطرى عليه
قلتله ياضلع تدري هذا الذيب وين راحي ؟
قال هذا الذيب له يومين ماسير عليه
قلت وشبه قال مدري خاطره ماهو بصاحي
قلت انا ابوصيك من عندي اليا جارك وصية
تخبره مادام مع جارك على صح وصحاحي
قال ماني مخبره والجار اله حق عليه
جاري اصحى تقربه لاتحسبنه فالبراحي
قلت جارك له سنين طوال متعدي عليه
مالي اخذه شي فالمفلا وشي فالمراحي
قال مالك وثقه مالك على الغايب دعيه
وش تبا من المسكين لن قفا وراحي
قلت ابي شوفته دام هذي في يديه
عقب شربه بالقراح اسقيه بالسم الزحاحي
|