::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

08-01-2009, 03:02 AM

تنبه يا قلبي والتعب كل ابوه يهون
على كف خلك بشر الضيق بالراحه
وسافر سنه وأرجع وفكر وقول اشلون
يصير الوداد لحاف والحب طراحه
وإذا ما لقيت إلا عيون الحبيب عيون
بدونه ترى ما عاد لك روح مرتاحه
يا غالي رضاك أكلف عليه وأنا ممنون
ولا أعرف جزاك منين يلقون مفتاحه
ابا افك باب ( العشق ) واللي يكون ..يكون
ما دامه على هقواك والله لاجتاحه
سنيني معك نعمه ومن دونك أنته دون
عساها لعوجان المقادير ( نطاحه )
معاك المحبه واضحه .صوت .شكل .ولون
وهذا الوداد اللي يعيشون فجناحه
وإذا قيل ( عاقبك الهوى ) قلت ما تدرون
لقيت الهوى لجروح الأيام مساحه
تنطحك من همسه ( حفاوة طرب ولحون )
تعديك في مرقب قصيدك ومسباحه
تغني لها واللي ( سلوا عنك ) ما يوحون
وتاوي لها ومغيّب السر ما باحه
وتقطف لها من جوف صدرك غلا وشجون
(هدية وفاء) في بيض الأوراق منساحه
( احبك ) ولا يعنيني الناس ما يرضون
لحالك تفردتي على قلبي الساحه

الله ....... الله

يحقلك هذا الشموخ يافيلسوف عباقرة الشعر

نص رائع يرتقي لذائقه وبقوه

الى الأمام يابو سعود

صح لسانك وفي انتظار جديدك