::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

08-12-2009, 01:30 PM

كيف كان شعورك؟

كان شعوري >>> ياأرض اشتدي ماعليك قدي

كم كان عمرك؟

( 10 سنوات ) بالتحديد في عام ( 1399هـ )

نوع السيارهـ؟

هايلوكس موديل ( 78 ) >>> خمس شناكير طويل مشدود ومشرع
بصراحة حاولت أحصل على صورة قريبه منه ماحصلت إلا هذي اللي فوق

المشوار قريب ولابعيد؟

المشوار كان من البيت ( الشعر ) إلى مارد الماء وفي ظهر الوانيت ( 4 براميل مويه ) والمارد يبعد عن البيت حوالي ( 20 كيلو متر ) .

وش ردة فعل أهلك شجعوك ولاحطموك؟

إلا هم اللي جبروني أروح أرد وأجيب الماء للغنم يومها كان أخوي الكبير ماسكته المرور ماعنده رخصة
وقاطينه في توقيف المرور قعد فيه ثلاثة أيام يادافع البلا والوالد مشغول ولاهو في البيت .
طبعاً أنا كنت قبل هذا المشوار أتعلم السواقه في هذا الهايلوكس قريب من البيت لكن هذا أول مشوار أخرج فيه لحالي ولمسافة بعيده

وصار حوادث وتلطيش من الشايب

أبد يوم عرف بالهاالشي قالي لي ( كبرت ) لكن لاعاد تعيدها وتروح لحالك بالسيارة .