::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

08-18-2009, 12:24 AM

أفراح وسعاده

فارس الحرف

تغنى ياهجوس الشاعر اللي يعتنـي بالقـاف

يجمّل ماقفـه وهذيـل تاقـف دون واجبهـا

يقولون الرجال العرف مايعرض على العراف

ومضمون الرسالـه عنـد قاريهـا وكاتبهـا

كبتن هذيل

تهيض يالمغني والحق المحراف بالمحراف

مصير الثلب يبـرك للحمايـل ويتصلبهـا

انا ماني بسارق من معاني مطلق وصياف

انا شاعر هذيلي وآزن الكلمـة واركبهـا

فارس الحرف

وانا اقول العلوم تعوم لامنـه حمـى الميقـاف

لاكن اهل المناصب كيف طاحت من مناصبها؟!

وانا اقول الجبل مايلتفت فـي حذفـة الحـذاف

كثير الناس تخدعه الحلام اللـي يعيـش ابهـا

كبتن هذيل

ياراع الصورة اللي كنها صورة ولد شفاف

تجاذبك النعومه وانت يافـارس تجاذبهـا

بعد شفنا وعفنا غيرنا شاف العلوم وعاف

تظن انك تبا تسمن من السرقه تعيش ابها

فارس الحرف

انا باغيك تقدم وانت فالسكه رجعت اخلاف

الا ياكبتن الطيـاره اللـي سـرع مقلبهـا

جملنا ياجملنا والحمول اثقـال ولا خفـاف

نباك تشلهـا مثـل الجمـال ولا تجنبهـا

كبتن هذيل

انا مضمنك يافارس ترى بعض الرجال اصناف

يجوز انك من اللـي فالبلـد تحلـق شواربهـا

اناماني جملكـم يالحرامـي ياعسـاك انتـاف

تعلـم مـن زمانـك قبـل تتهـور وتخربهـا

صح لسانكم ..ماشاء الله ..عدد بلا مدد .....من اروع ما قرأت ...عساكم على القوة

وين رقيق المشاعر ......عليك بالعافيه ...شوف اخوي حنا بعيدين واجد في اخر البرج ..والله المفطحات بتنكسر ظهور العرب ..وهم ..ما وصلوا ربع البرج .........
..اما الكيكة . ياثقلها ...ما شاء الله ..متوصين بالعرسان ....