::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

08-31-2009, 11:33 AM

وقد تخلل المناسبه عدة حدايا وهي كالتالي :

الحداية الأولى للعقلان يتقدمهم الشيخ/شعيل بن نامي العقيلي

الأوله سلام رديه من رجال ٍ كرام
نمشي على سنة رسول الله ونبدا بالسلام
لاهل الحفل واللي حضر للحفل من شرق ٍ وشام
واجب علينا ناصل الداعي ليا منه دعانا

************
اخذ زمام العلم في قلبك وحط اله اهتمام
اللي يقدم طيب يلقى طيب منا واحترام
مافيه شك ولا قصور ٍ فالرياجيل الحشام
نصرف ذهب لاهل الذهب والناس تعرف مستوانا

¥¥¥¥¥¥¥¥¥¥¥¥¥¥¥¥¥¥

البدل:

يامرحبا في مرحبا عداد من صلى وصام
واعداد ماهلت هماليل السحاب من الغمام
من عزوت ٍ وقت المواقف ضربها ضرب الحسام
الله يحييكم وحنا في حرى منهو نصانا

**************
ياللي توصيني وانا مرفوع لي قدر ومقام
حنا نصلب شدها فشعيل مردوم السنام
إلنا مواقف كل وقت وكل حين وكل عام
في مستواكم ربعنا وانته تقولي ويش كانا

الحداية الثانيه لذوي منير يتقدمهم الشيخ / ناجي بن سند السعيدي

الأوله سلام ياقصر ٍ شمخ بين القصور
امثبت اركانه وله ساس ٍ على الطيب معمور
مايختلف مبناه مع طول الليالي والشهور
يبقى جويد الساس في مبناه مايخلف بناه

***************
والثانيه جينا كما نو ٍ من القبله يثور
جينا نبارك في فرحكم والمعزه فالصدور
والصاحب اللي مع صحيبه لا يلف ولا يدور
يمشي على ممشاه وإليا قال له علم إيحماه

¥¥¥¥¥¥¥¥¥¥¥¥¥¥¥¥¥¥

البدل:

يامرحبا ترحيبة ٍ منا تزيد النور نور
فالليله اللي مكتمل فيها السعاده والسرور
والطيب من جدي وجدك سابق الوقت امخبور
والحر في وقت اللوازم حر ماتومي عصاه

****************
الله يحييكم ونحكم فالمواقف كل شور
حنا مع رجال الوفا نمشي بصدق ولا نبور
حنا نوثق بالوثاق العز مانرضى الوثور
والدعوه اللي مالها برهان ماترد القضاه

الحداية الثالثه للعقلان يتقدمهم الشيخ/ عيضه بن محيسن العقيلي

سلام ياشيخ ٍ دعانا وان نصيت الباب منصى
يدري بها العقل الذهين ويدري الادنى والاقصى
من راس عود ٍ للمكارم واللوازم يوم وصى
والساس يبقى والثوابت ماتغيرها السنين

******************
جينا على جنب متين ولا يوصينا الموصى
واليا مشانا دربنا نعرف نقص الدرب قصى
نبغى لنا راي ٍ قوي حتى نخص القوم خصى
ونرد مطمع كل طامع في عيون الطامعين

¥¥¥¥¥¥¥¥¥¥¥¥¥¥¥¥

البدل:

يامرحبا من هاجس ٍ وقت اللوازم ماتقصى
واليا نصانا علم تلقى من يحص العلم حصى
معروف راع البني يومنه يرص البني رصى
والساس ثابت في محله لا يسار ولا يمين

****************
انا عصايه من يدي من جود غيري ماتعصى
حنا نعرف العلم ونشد اللزوم اليا تنصى
الراي عندي والخصيم يغص فالميقاف غصى
هذا كلام الصدق يالعراف يبهج كل عين

وقد اقيمت عدة محاورات جمعت بعض الشعراء من هذيل وثقيف وقريش

صور لبعض الشعراء المشاركين ونعتذر عن عدم تمكننا من الحصول على صوتيات هذه المناسبه

ختاما تقبلوا تحيات محدثكم وكل عام وانتم بخير