رد: القمر
بعد هاك العميد اللي وقف مير الزمن ضده
سلام الله على الوسم وسلام ٍ يعتبر ثاني
عطوك التاج وأنت تستحقه والخبر عده
يشيب الوقت ماشابت عتيبة مزبن الجاني
هلا يامحرج ٍ خصمك بقاف بدع مع رده
ولاسارت من أيام الشواوي حادي الضاني
معك جندي يسل السيف فوق الشرك ويرده
يروي ثم يروى وأبيضه عاد أحمر ٍ قاني
يدوج الصقر في جو السما ماتفجعه حده
وعلم ٍ ماوصلته لاتذمه واسمع لساني
قواميس المراجل والثبات في حزة الشدة
وثيق ٍ يشبه السيسان لاحطت لبنياني
أرى شبح العوالي عيب كل ٍ بصره بقده
ولاكل الهنادي شافية يانور الأعياني
تصفحت العجايب والقسا واللين والشدة
ولاحصلت كايد في المعاني طول الأزماني
|