بن قاسي
تعال يافواز والعيد عيدين %%%%%مادام سايرت الزلامي وسلطان
انا اشهد انك ذيب تمشي بثنتين%%%والله يسامحني ليا كنت غلطان
فواز
جيناك لكن انت رايح علـى ويـن ### حنا نضد القـوم فـي كـل ميـدان
هاذي شهادة طيبه ياصفـر العيـن ### وانا معي في بعض الاوصاف ضمّان
بن قاسي
انا ليا من جات سديت في الدين &&&&&&ماني في حاجة فزعة فلان وفلان
ياكثر صيحات العرب في الميادين&&&&&كلٍ على ليلاه يصدح بالالحان
فواز
انت اهذلي ماقللّك الاّ ونعميـن ### كنّك من الصلمان ذرفين الايمان
ماكل تاجر مثل راكـان حثليـن ### راكان ابن حثلين بطران بطران
بن قاسي
اثر السعيدي معتزي بالمعاطين&&&&امع السواهر لوبدا له سليمان
فطحة جمل ماتنتوزع في صحنين &&&&حذرى تبديها على كل الاعيان
فواز
السيف واحد بس الاطراف حدّيـن ### والسطح واحد بس فيه اربع اركان
ليتك تخاويني على الخاطر الزيـن ### قبل انتزاعل وانته تروح ضميـان
بن قاسي
السيف مايرفع بلا جنب ويدين&&&& واحنا الجنوب اللي تعزه في الاكوان
انا خوي الذيب في العسر واللين &&&&والا الردي لاشك صاحبه خسران