الله من حرقه
[poem=font="arial,6,,normal,normal" bkcolor="transparent" bkimage="http://www.hothle.com/vb/mwaextraedit2/backgrounds/4.gif" border="none,4," type=1 line=0 align=center use=ex num="0,black""]
الله مـن حرقـه بكبـدي طعونهـا=يوم أشرت باليـد وأقفـت ظعونهـا
واقف وكن السيف مغروز بالحشـا=وجاوبت بالدمـع عينـي عيونهـا
كني صويب القوم في ساحة الوغـا=راحوا عنه ربعه والأعـداء دونهـا
وإلا مسافر يشتكي غربـة الوطـن=أو دار مهدومـه وطاحـت ركونهـا
كل مابغيت انام ساعه مـن الزمـن=قامت هواجيسـي عليّـه بشونهـا
ماحد درى عما في بالي وخاطـري=وماحد درى عن عصفها من سكونها
الله ياتـرف سبـا الحـال ودهــا=حتى ظنونـي تتفـق مـع ظنونهـا
طعم الفرح ماطـب بالبـال عقبهـا=ودنيا السهر عضت عليّه سنونهـا
والعين تشكي بأزرق الدمـع حالهـا=خوفي عليها يعمـي الدمـع نونهـا
لـو باتسلّـى ياحمـد مانسيتـهـا=جديد في قلبـي والأحشـاء كونهـا
الله مـن فضلـه وجـوده يـردّهـا=وإن ماحصل اخاف انا من جنونهـا[/poem]
| التوقيع |
|
|
|