محاوره
عبدالله السالمي:
مرحبا من هجوس(ن) ماشيه في عدلها والسوالف يأبو عادل نغنيبها
والسوالف ندورها ترى عند أهلها بعد ماجيتنا اللي معك جيبها
سليمان العبدلي:
البقا من ضمير(ن)جابته ماشتلها والسوالف نمشيها بترتيبها
إن بغيتوا السهل والاتبى مع جبلها الديار الخليه لك عوا ذيبها
عبدالله السالمي:
هيضتني المعاني نقضها مع فتلها والمعاني قويه في مضاريبها
كل ديره يجيب علومها اللي نزلها والذيابه تعاوا في أشاعيبها
سليمان العبدالي:
الحمول الثقيله يشيلها الا جملها ماتهمه حمول أثقال يسريبها
ودي أوصل صحيبي علوم ماقد وصلها حتى نجازي رجال الطيب في طيبها
|