رد: الله ولاجــرح الكبــود
[align=center] ((تكفى))
اتركني ياخالي الغالي أعلق على قيس شعوري!!!!
إنتحى ليلي وانا مثـل ميـاح القليـب
كلمـا صـدرت ذودٍ ورد للعـد ذود
بداية المعاناة مع جرح ينزف ألماً
&&&
الهجوس اللي تغيب النجوم ولاتغيـب
من سببها تسهر العين والعالم رقـود
وتستمر المعاناة والألم
&&&
كلما حاولت أداويك يالجرح العطيـب
إفتكرت الطرقه اللي عساها ماتعـود
هول صدمة الحدث
&&&
وإفتكرت الكلمه اللي غريبه من قريب
حربةٍ لو رغت عن دربها تنحر قعود
الحدث ذاته
&&&
حطها بين الترايب ويبغاهـا تصيـب
وإحترمته وإجتنبت العنيف من الردود
مكان الاصابة والثبات عند الصدمة الأولى
&&&
ماوصله إلا الإشاره وهي تكفي اللبيب
لأجل مايدري بها شامتٍ وإلا حسـود
عين العقل ياخال محشوم
&&&
علم يحداني وعلمٍ على مثلي صعيـب
لابحده لليمين الغمـوس ولا الشهـود
أصالة النفس وأنفة الهذلي
&&&
والغريبه جات من واحدٍ ماهو غريب
لااقدر انساها ولااجزاه فيها بالصدود
هذا بلا أبوك ياخال
&&&
اثر بعض الهرج يترك جروحٍ ماتطيب
توي افهم قولة (الله ولا جرح الكبود)
الكلام أنكى من السيف
&&&
علةٍ تبطي ونسيانهـا حـظ ونصيـب
لازم ابلعها واقول الصبر ماله حـدود
على مضض
&&&
لا تقولوا كل جرحٍ يداويـه الطبيـب
بعض وصفاته تسمى مبيّحة السـدود
لاتعليق
&&&
يقولون أنت(( شاعر الحكمة))
تستاهل اللقب
واليوم أضيف(( شاعر المعاناة))
سامحني على تجزأة جروحك السابقة ياخالي الغالي!!!!!!!!!!!!!
[/align]
| التوقيع |
|
 سولف وانا بشرب بهار السوالف
دلتك شعثور الترف زادها ذوق
واليا طلبنا زود قل:مايخالف!
واليا اختلفنا روح حدرى وانا فوق
|
|