رد: فكرة برج المليون رد .............!!!
احد قصائد
الشاعر الكبير / عبدالمعين بن ثعلي .. رحمه الله
أبدي بذكر الله وأصلي علـى النبـي
عـلـى محـمـد سـيـد الانــام
يقـول ابـن ثعلـي وهـذي هديتـه
علـى جميـع المستـمـع ســلام
أكـرر تحيتهـا وأقـد ّم سلامـهـا
وأقـول مـن حسـن الكـلام كـلام
قلتـه وانـا والله مـاأذم ولاأمــدح
مـانـي بـمــد ّاح ٍ ولاذمّـــام
ماقـول فالمقفّـي ولاكـل عرضـه
علـي مــن رب العـبـاد آثــام
الا ّ هـل العوجـا تكلمـت فيـهـم
اللـي لهـم روس الـعـلا مــرام
لو كان مكفيهم من المـدح مامضـى
أبطـال وكـرام ٍ عـيـال كــرام
الاولــه لافّــرق الله شمـلـهـم
يجعـل لهـم يـوم المقـام مـقـام
والله مانجـزي حسانـي فعولـهـم
خلّـوا لنـا الدنيـا زهـر وأنـعـام
الا ّ بقـولـة يالله انّــك تعـزهـم
عــد اللـيـال وعــد ّة الايــام
عشنـا بفضـل الله ثـم بفضلـهـم
وعاشتـبـه الارمــال والايـتـام
تطّور بهم دار ٍ سقى الغيـث جالهـا
صيـف وربيـع وكـل يـوم غمـام
تطورت بالعـز والمجـد واكتسـت
في كـل عـام ٍ أخيـر منـه العـام
كساها شرفهم واستقامـت بمجدهـم
والـيـوم هـاهـي ذروة السـنـام
وافهّمك ياللي جاهل ٍ فـي نظامهـم
ولا إن عـقـال الـرجـال إفـهـام
الله خلقنـا كلنـا واسمنـا الـعـرب
الاسـم واحـد والعقـول أقـسـام
ونظامـهـم لاغـيـر الله حكمـهـم
السيـف حكمـه والكتـاب نـظـام
ولو يحكـم الشـرع علـى عيالهـم
منهـم وفيهـم مـضّـوا الاحـكـام
تحذر واخذ حذرك من الميل والجهل
من خـوف لاتزهـق بـك الاقـدام
أهـم عليـك مشرعـات ٍ سيوفهـم
سيـف ٍ وراك وسيـف مـن قـد ّام
سيف لـراع الحـق يعطيـه حقـه
وسيـف ٍ لـراع الجـرم والاجـرام
والله لا لاالله ثـم مسلـول سيفـهـم
اللـي لعوجـان الخـطـا لـطّـام
لاقول يمد الذيـب والنمـر والفهـد
تعـشـوا العصـفـور والحـمـام
والحر يفرس فالحبـاري وفالرخـم
ويحط مـن باقـي الطيـور إ يـدام
لاشك رادعهـم مـن الخـوف رادع
حطّـوا لمطلـوق اللـجـام لـجـام
هل الرايه الخضرا ليا رزو ّوا العلم
لارز ّت الاعـــلام لـلاعــلام
عـلـى علمـهـم لاالــه إلا ّ الله
واسمه هو الغالـب علـى الآ سـام
هل الدين والتوحيد والعز والشـرف
اقامـوا عمـود الـديـن لـلاسـلام
وأهل السيوف ليا جرى مثل ماجرى
ليـا غطـا ضـو النهـار ظــلام
تقلّـدوا بيـض السيـوف ومـالـوا
جـوف المعـارك يلبسـون حـرام
وارواحهم ترخص ولو كـان غاليـه
إليـا اغتشـا روس الجبـال عسـام
من يومهم من يوم كانـوا ومامضـا
ورث لـجّـدان ٍ وأبــا وأعـمـام
وسيوفهم تـروى بضـرب أيمانهـم
يـرو َ ن وبقيّـا السيـوف حـيـام
أنا أشهد ان السيـف يصنـع لمثلهـم
على غيرهم نقـل السيـوف حـرام
حيـث إن مكتـوب ٍ لحـد سيوفهـم
قطـف النفـوس وجّـذة الانـسـام
هل العـزوه اللـي كلنـا نعتزيبهـا
لاحـل مابيـن الشعـوب زحــام
عزوتهم التوحيد والسيـف والظفـر
اللـي يخـل المشركـيـن هــدام
مخالفـة ديـن الـرسـول محـمـد
عـبّـادة الأوثــان والاصـنــام
ضد الضديد إليـا رقـص شيطانـه
إليـا زمـر فـيـل الضـديـد وزام
ضديدهـم مايدخـل النـوم عيـنـه
تسهـر عيـونـه والعـبـاد نـيـام
علـى راي قايدنـا ملكنـا زعيمنـا
إمامنـا فـي كـل حــال إمــام
فيصل عمـود الديـن ضـد عـدو ّه
سـم الضديـد معـالـج الأسـمـام
ليث العروبه عز ّهـا نصـر دينهـا
ليـا نـواهـا الله بنـصـر وقــام
ماهرولـت بنـت الحصـان بمثلـه
فالشرق والغـرب وجنـوب وشـام
ولاجابن الخفـرات مثلـه ولاجلـس
للحكـم ممـا جـا مــن الحـكـام
الله علـى ماكـل عـذرا ً تلحلحـت
وعـن مثـل فيصـل جايـة ٍ بغـلام
منّـا وفيـنـا ماتـعّـدى حـدودنـا
من أقصى بحـر جـده ليـا الدمـام
نبيه دون الديـن والشعـب والوطـن
يـروس عنّـا كـل عـلـم ٍ هــام
عمّت مشاريعه على البـر والبحـر
دامــت مشـاريـع الامــام ودام
يشهد له الله ثم تشهـد لـه العـرب
والسيـف والتـاريـخ والأ قــلام
ولـد عديـم ٍ جاذبـه مـن راسـه
سطـام لـطّـام الـعـدى سـطّـام
كم من ضديد ٍ سو ّلت لـه روابعـه
خلا ّه فـي مـوج البحـر عـو ّام
كم من طبّة ٍ يشبع بها ضبعة الخـلا
يشبـع بهـا طيـر الهـوا حــو ّام
وكم معسر ٍ فـر ّج لهمّـه وكربتـه
مرهـون فـي ديـن ٍ عليـه مظـام
كم ليلة ٍ غنّى على الهجن واوجهـن
و ظلّن على دربـه علـى الدرهـام
كل أبلج ٍ يوهـف لوجنـاه بالعصـا
يحثـهـا وهـيـه تـبـا قـــد ّام
على درب أخو نوره ليا هج واصتوك
مـثـل النـعـام أو كنـهـن أروام
ربع ٍ مشاكيل ٍ على أوساق حـز ّب
أهمـه مشاكيـل ٍ وهــن هـمـام
عاشوا بيوم العز والمجـد وانتهـوا
حيّـا ً غـدا كلّـه رميـم عـظـام
والعمر إلـه يـوم ٍ محـدد وينتهـي
زرع مـوقّـت واقتـفـاه صــرام
وحياتهـم يـوم اتـذكّـر حياتـهـم
أحـلام ليـل وضاعـت الاحــلام
تغمّدهـم البـاري بعفـوه ورحمتـه
فضـل ٍ مـن البـاري عليهـم عـام
وإليـا غـدوا عنّـا لقينـا عيالـهـم
لـو مـات حكّـام ٍ يجـي حـكّـام
وختامها منّي صـلاة ٍ علـى النبـي
واسلّـم عليهـم والـسـلام خـتـام
| التوقيع |
|
|
|