المشاركة الأصلية كتبت بواسطة محمد البقيلي

ياعروس البحر ويش اللي جرى لك
ماتهون الدمعة تذرف من عيونك
صح راح ارواح من صفوة رجالك
استقوا حبك وكانوا يعشقونك
صح راح اطفال لعبتهم رمالك
حلمهم يكبر على كاهل متونك
صح منظر ام تحضن طفل هالك
اعتصر قلبك وزود من شجونك
بس ندري بالسبب محد(ن) يسالك
السبب في ايدي عن الاعين تخونك
ارخصوا غاليك واعثوا في جمالك
واستغلوا بالمناصب مايصونك
اغفلوا خدمتك واهتموا بمالك
واستهانوا بالامانة في شئونك
والنتيجة كارثة ماهي في بالك
وقعها بالحيل حرك من سكونك
ارجعوها للطبيعه .. هي كذلك
قدرة الله شي ماله وقف دونك
حاولوا ابعاد التهم عنهم في جالك
واوهموا العالم عساهم يعذرونك
اقفلوا الاذان عن واقع شمالك
واغمضوا الاعين عساهم مايرونك
عظم الله اجرك ويرحم ما غدا لك
ياعروس البحر ماغيره في عونك