::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

12-11-2009, 03:30 AM

طريقه القهوه طالت عماركم ..

أول شي ..

نختار الدلال الرسلان .. دقت محمود ارسلان الاصليه .. والا حساويه ..

ولا .. بغاديد ( بغداديات ) دقت اهل حايل ..

ثم نبخر الدله بالمصتكا الكويتي .. نحط الجمره في الملعقه ونحط المصتكا فوقها في بطن الدله ..

عشان يجيلها بنةٍ زانه ثابته دائم ..

ثم نجيب ماء بير حلو .. مثل رايح السحاب .. ونحاول نبتعد عن ( التحليه ) الله يكرها لنها تمرر بالقهوه

واذا مافيه .. فيه مويه خاصه بمنتجات الراجحي . والا ( نوفا ) الاصليه .. مالك الا نوفا ..

ثم نشتري البن ( البريّه ) القطما .. اسمعوا زين .. القطما .. ترى فالسوق نوع اسمه بريه ماهو قد كذا

واذا جات البريه القطما .. اضرب اكس على الخولاني والهرري والبريه الثانيه ..

ثم نحمسها الحمسه المتوسطه الشقراء .. ووشيقر والدوادمي ..

ثم ندقها الدق اللي قريب من السحق الا شي بسيط ..

طبعاً ما نحمس البن كله والا ندقه كله .. على شان لايذهب طعمه ونكهته .. نخلي كل فتره بفترتها

ثم نشتري الهيل الامريكي .. عفيه عيك اختي الهنوف .. نعم الامريكي احسن من الهندي بكثير ..

ثم ناخذ العويدي ( المسمار ) المدهن .. اي عليه زي الدهن ..

ثم ناخذ الزعفران الأيراني .. ابوشيبه ..

ثم نخلي الماء يغلي .. في ابريق القهوه ( الكفكيره ) عند هذيل الشام .. ( الكفتيره ) عند هذيل اليمن

واليا غلى ياغلا ..

نحط مقدار فنجان القهوه بن .. ياعيني يافنجان ..

ثم نخليها تطبخ تطبخ تطبخ إلى مايقارب اكثر من ربع ساعه ..

الين ( تقطع ) ريحه ولون

هاثم .. نقرب الدله ..

طبعاً الدله ..

تونا داقين هيلها الامريكي .. عشان يكون رائحته نفاذه وجديده ..

وداقين عويديها ..

ثم نحط مقدار .. ملعقه كبيره كامله هيل ..

ونحط ربع ملعقه عويدي ..

ونحط الزعفران .. اربع مشوط ..

اي اربع ظفاير كامله ..

هااااااااااااثم

نزلّ البن في بطن الدله اللي فيها البهار ( الهيل والعويدي والزعفران )

هاثم نعرض الدله للنار لين تغوش .. وتقلب مرتين فقط ..

ولانطولها على النار ..

ثم .. نصب في بطن الفنجال مثل عين الطير ..

يسمونه ( مذلوق الكيف )

وبعده نقدمه ..

مع ( العجوه ) حقت رهاط .. ياقلبي يالعجوه

ونمده علاكم

بعد حيي

ونقول شهلا ..

يارواد البرج الشامخ ..