على الفرقـى دخيلـك لاتعـذر
ويكفـي لا تقـول إنـه مقْـدّر


طغى فيني هـواك وعـاث فينـي
وحكم قلبـك وبأحكامـه تجبّـر

سريـت بداخلـي نـاراً تلظـى
ولقيت إن التعـب حولـي تزبّـر


ولمستك فـي حنايـا مـا بقالـي
من دموع العيـون إللـي تحـدّر


وسهرتك ليل .. يا طول أنتظاري
فـ\ رجوى نور فجري إللي توخّر


وهبيت البـرد لايزعـج خيالـك
وعلى صـدري مناديبـك تدثّـر


تبا تسمع صراخ الشوق؟.. أسمـع
هذا صـدري تفضـل لاتكبّـرر


تسمّـع نبـض قلبـي واشتياقـه
ولا أوحيت احتياجه لك..تدبّـر


سكنت بداخلي من دون لا أدري
وعشت بداخلي ظالـم موقّـر !!


تشيب أقدام شوقي في طريقـك!!
وأحسه لاخطـى خطـوة تعثّـر


تروح وتقتـل أغصـان الأمانـي
وعلى بعدك مـن اللهفـة تشقّـر



تروح وتقطع كفـوف المواصـل
وتنبتنـي مواجـع!! مـا توبّـر


تـراك القاسـي إللـي ماأطيقـه
وأحبه كثـر مافالكـون وأكثّـر


تبـا تقتلنـي اقتلنـي ببـعـدك
وأنـا راضـي أبصبـر وآتصبّـر


أجي وكفوف حبي لـك هدايـا
وشوقي قبـل ماشوفـك تصـدّر

أبيك ولانسيـت أنسـاك حتـى
نحت أسمك وب\ أنفاسـي تحبّـر


ورضيت أعيش فيك ! إلا بدونك
وحرفك مع صدى الذكرى تنبّـر


لكني كـل مـا طـال أنتظـارك
أخيط العذر .. ثوبٍ مـا تسبّـر


واذا احرجني غيابك مع حضوري
وكفنـت الدمـوع إللـي تنثّـر


نخيت الشـوق يرحمنـي دقيقـة
ويممتـك ..مـزاجٍ مـا تعكّـر


وطلبتك كل يومٍ وأنـت غايـب
ليا شفت احتياجـي ..لا تنكّـر


أبيك تصافـح اشواقـي تواضـع
ولاتنسى أبتسم !!.. ليه آتكّـدر


وتذكر شاعرك وأبيـات شعـره
ولاتنسـى بيـوم أنـك تذكّـر


وأنا بربت على ظهـر اشتياقـي
واقول: إن الفراق أضحى مقـدّر




رائعه من روائع ::: عماد الهذلي