رد: فكرة برج المليون رد .............!!!
السلام عليكم ورحمة الله وبركاته
صبـآحكم \ مسـآءكم نزول مطـر
هذه همسة فادتني وأن شاء الله تفيدكم
كل شبر بهالوسعيـه ملـك ربـي تعلميـن
وأعلم إناللي خلقني هو خلق لـك هالعيـون
لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسون
لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه ويسمعون
على الأقل ليا نظرتي سـوي روحـك تستحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن
وفيـك جآزم لاركـادة ولا حيـاءٍ يـذكـرون
تعرفينـي ؟! أعرفـك ؟! ماأذكـر إنا ملتقـيـن
لا أعرفك من تكوني و لا تعرفي مـن أكـون
وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
ما دريتي من التشابـه يخلـق الله أربعيـن
وأعرف أربع يشبهنك بـس والله يستحون
وان كان قصدك شي ثاني عاد قولي وش تبين
خايف إنا نصير فرجة وإللي مااشتروا يتفرجون
واذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون
بس وش لي في حلاتك دام فيهـا ترخصيـن
حشمة البنـت وحياهـا والكرامة يلفتون
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتك يطرقون
وش علامك رغم كل اللي أقولـه وتسكتيـن
مو طبيعي هالسكوت وهالبرود وهالسكون
إنتـي خرسـا أسألـك ولا منتي تسمعيـن
قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديـن
ما دريت إلا عيونـي أربـع أربع يذرفون
آهـ ياني منه مشهـد يـوم شفتـك ترحليـن
جيت اشوف عيون ربعي لقيت الكل يدمعون
قلت سنة هالحيـاة وحـنا ترانـا مؤمنيـن
الله اللـي مسيّرنّـا بيـن كاف وبيـن نون
وكل ابونا نختلف مع إننا مـن أصـل طيـن
سبحان يلي مصورنا ولله في خلقه شؤون
يعني حنا كل أبونـا عـاد إسمنـا ابن ادميـن
وليا قضى ربك أمر وقـال لـه كن فيكون
فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون
وفينا يلي مـا شكـى مـن علـةٍ كالآخريـن
صـمٌ و بكـمٌ وعمـيٌ فـهـم لا يفقـهـون
بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون
وتدرين عاد يالكفيفة حنا تراى متشابهيـن
وإن ماانعمت ابصارنا قلوبنا هـم إللي يعتمـون
يالكفيفة يالعفيفـة إن قلـت آسـف تقبليـن
يغفر الله ذنوب عبده اذا خطا وهـل تغفـرون
لاتستعجلوا الامور
ولاتحكموا على الغير من المظهر
وسلامتكــــــــــــــــــ ــــــــم
| التوقيع |
|
هـــــــــــــــــذيـــــ ـــــل عـــــــزوتـــــــــــــي ونـــــــــاســــــــــــ ـي
 |
|