[سالم السعيدي]

* عبدلله السعيدي :



يامرحبا في مرحبا ترحيب ياضيف الشــرف
والضيف في حكمت معازيبه ومولانا الحكيم



جات العزاوي والنخاوي والنشاما صف صف
شبت لهيب النـار والاسباب منكم ياسليم
/
* محمد العطاوي :
دام البقاء واللي تقدم للنشامـا مـا وقـف
وانتم دعيتونا وجينا يالكريم ابـن الكريـم



احسب حسابك موترك لا ينقلب في المنعط
يالسايق اللي مامعك رخصه ولاقلنا غشيـم
/
*عبدالله السعيدي :



عز الله انك جارنا ياجارنا ياللاسف!!
حنا نروف بجارنا كروفه الطفل اليتيم



لكن لن هزه بليس وشان حظه وإختلف
إليا نظرنا العين يمه يلعن إبليس الرجيم
/
* محمد العطاوي :



بعض اتسامح في اكثر الأحيان ياجاري تلف
يسراك تاخذ ماعطت يمناك طبعك من قديم



جارك طواه الجوع وانته عايشٍ عيشة ترف
ضحكة لك الدنيا بعد ماكنت مثلي سيـم سيـم



/
* عبدالله السعيدي :



ياما عطانا جارنا .مدت وفاء ماتـنوصف
مير المثل معروف. ماتصلح عطايا في الائيم



والله لتشرب ياحمر العينين من فرع العدف
والا لتشرب تالي الايـام من شربٍ حميم
/
* محمد العطاوي :



انته كتبت الشيك مير الشيك عيا ينصرف
مدري خطا فالشيك ولا صاحبه ماهو سليم



حنا ليا منا رمينا رمينا صـاب الهـدف
ان كان ماجتنا مطالبنـا نولعهـا جحيـم
/



* عبدالله السعيدي :



ماعندنا غـير اشهب البارود قطاع الصلف
مثل البروق اللي تلامع والرعد يرزم رزيم



ان كان عمك جاء يدفك في نحور القوم دف
والله لمشيكم سوى فوق الـصراط المستقيم
/


* محمد العطاوي :


ياطير ياطير السعد قدام ريشك ينتف
ازحف وراك ولا تواذينا ترى فالجو غيم


حنا ترانا من شيوخ القوم مافينا طرف
واستغفر الله ربنا الخلاق من ذنب عظيم