رد: فكرة برج المليون رد .............!!!
السلام عليكم ورحمة الله وبركاته
الشايب والوايت
يسولفون عن شايب نوى يشتري له وايت
علشان يسقي الحلال وذالشايب متقاعد
وشاريله رعية غنم وفوقها خمسين ناقه
فأخذ يجمع له دراهم لين صار عنده حول الثمانين
خمسة وثمانين ألف ريال
فقام وتوكل على الله وعَزْم يروح يدور له على وايت
صدفه وهو يمشي إلا ذيك الناس مجتمعةٍ في أرض
فضاء كبيرة ولأ حولهم وايت واقف
تعجب خوينا الشايب نظرة هالوايت
وهو ما شاء الله يبرق من بعيد ووقفته شيء عجيب
قال بس لقيناه خلني أروح أوصلهم وأشوف كم هو
واصلٍ سومه وإذا هم حادينه أشوف كم هو عليه
وصل عندهم الشايب ووقف يسمعهم يحرجون
وأستانس بالحيل لأنه ما هو بغالي
ولا ذاك الرجال ماسك المكرفون ويحرج 50 ،، 52 ،، 55 ،،
ومن قال زود قال الشايب بس شكلهم يحرجون على
هالوايت ولا هوب بغالي وإن شاء الله يكون من نصيبي
ويخش معهم بالحراج ... 56 ... ويزودون ... ويزود ... ويزودون
ويزود المهم وصلوه 75 ... قام خربها وقالهم 80
هو قالهم ثمانين ... يوم طخوا وسكتوا .. !
وهجدوا .. !! .. والتفتوا عليه .. !!!
يناظرونه .. يناظرون بعضهم .. يوم تغامزوا ونقز له واحد منهم
ويسحبه على جنب وقاله شف يا رجال أنت باين عليك أبن حلال
وطيب بالحيل وش رأيك لو نعطيك شيك بمليون ريال ذالحين ذالحزه
بس أمش من هنا ولا نشوف وجهك واقف معانا بالحراج
أنصدم الشايب .. أفتر راسه له شوي وقال هااااا .. وش السالفة .. ؟؟!!
مليون ريال .. وليه..؟؟
قال له الرجال خويهم بس خذ هالشيك وتوكل على الله
والله يستر عليك ولا لك بالطبخه وش أسمك ..؟؟
عطاه أسمه وكتب له الشيك بمليون ريال
وأنصرّف الرجال من الحراج
وهو ما يدري وش السالفة .. !!
ويقول طيب وش العلم علمني .. ؟؟
المهم علمه بالعلم أثر ذى الجماعة يحرجون على المخطط
وواقفين بالصدفة جمب الوايت اللي جايبينه يرشون به الأرض علشان يحرجون
والحراج من اليوم بـ 56 مليون و75 مليون .. وأبو الشباب
(الشايب) خش عليهم عرض ولا يدري وش العلم
وهم بعد أخترشوا شوي يحسبونه هامور وبيلطش عليهم المخطط
قاموا صرفوه بمليون ريال وهو ما صدق طاير من الفرحة مليون
ويقول بخاطره (عجزت وأنا أجمع ثمانين خمسة وثمانين ويجيني ذا الرزق من الله)
فسبحان الله مقسم الأرزاق على عباده
فعلاً الرزق مثل الأجل يتبعك
الله يرزقنا بمخطط بالغلط
أعضاء أسرة برج المليون
ماحولكم وايت للبيع ههههههه
وكل عام وانتم بخير
| التوقيع |
|
هـــــــــــــــــذيـــــ ـــــل عـــــــزوتـــــــــــــي ونـــــــــاســــــــــــ ـي
 |
|