ههههههههههههههههههههه
ياشيخ الله يهجولك ايؤالله . . .
اجل خذ هذي . . .
من المدغميات
يامجهول ابـن جاهـل عسـى الله يبـارك فيـك
علشـان بـعـض الـنـاس والا علشـانـي !!
قبل لأعرفك من وجهك .. أعرفـك مـن طاريـك
وجاني من أنـواع الحكـي عنـك مـا أكفانـي
وزعـلان مــن ثنتـيـن والثالـثـه بتجـيـك
عسـى الله يعـدي سمعتـك سلـطـة لسـانـي
الأولـى بعديـهـا علـشـان ذيــك وذيــك
وشرهـة فــلان وخـاطـر فــلان وفـلانـي
والأخـرى ماترضـي وجـه ربـي ولا ترضيـك
تهـز القلـوب وتقشـعـر منـهـا الأبـدانـي
بأبيعـهـا وأبـيـع ماقبـلـهـا وأشـريــك
وبأعطيـك فـي اللـي بعدهـا درس مجـانـي
تعففـك فـي نظـرة عــدوك قـبـل مغلـيـك
بطاقـة عبـور لهيـئـة حـقـوق الإنسـانـي
لامنـه سقـط وجـه الكرامـه تحـت رجلـيـك
مايمديـك تقلبهـا عـلـى وجهـهـا الثـانـي
ولـو أنـك ليـا غسلـت ثوبـك تغسـل يديـك
بسجـدة شكـر تختـم بهـا عمـرك الفـانـي
فـالارقـاب والله مانسـوقـك ولا نصـخـيـك
نزعـل بـك الأقصـى ونفـرح بــك الـدانـي
لكنـك علـى سقـط المتـاعـات وش رامـيـك
الا يستحـي دمـك عـلـى عـرقـه الحـانـي
مع انـك مـن الله فـي سعـه .. مالله بحاديـك
لكـن نزغـة الشيـطـان خلـتـك شيطـانـي
لامـن كثـرة الشكـات لابـد فيـهـا الشـيـك
يجيّـر بأسـم مسلـم ويـصـرف لنصـرانـي
تقول : أنت وش يدريك ؟؟ .. وأقول : وش يدريك
لـو أن الخـلا لـه قلـب وعيـون وأذانـي !!
يقولـون : رجـل الديـك دايـم تجيـب الديـك
وأنـا جبـت رجـل الديـك الديـك ماجانـي !!